आंदोलन-चारोळ्या-"कथा सांगती सत्यनारायणाची गुरुजी,देवा आता तूच आम्हा पावसी"

[Atul Kaviraje]

    विषय : कोल्हापूर  येथे  ST कर्मचाऱ्यांनी  सत्यनारायण  पूजा  मांडून  लक्ष्यवेधी    आंदोलन  केले .
             वास्तव -ST कर्मचारी  सरकार  निषेध  आंदोलन-चारोळ्या
         "कथा सांगती सत्यनारायणाची गुरुजी,देवा आता तूच आम्हा पावसी"
------------------------------------------------------------------------


(1)
कितीतरी  आंदोलने  झाली  करून , आतापावेतो  मागण्यांसाठी
थाळ्या  पिटल्या ,भजन  गायिले ,काढिल्या  रॅली , त्यांनी  आपल्या  हक्कांसाठी
पण  बधत  नाहीय  सरकार , ST कर्मचारी  सोडत  नाही  आंदोलनाचा  विचार ,
आता  "सत्यनारायणच"  धावेल  आमुच्या  हाकेसी ,आता  तोच  आहे  तारणहार .

(2)
ST बस  आगार  कोल्हापूरचे , भक्तांनी  भाविकांनी  भरले  होते
"सत्यनारायण"  मांडून  गुरुजी  मंत्र -पठण ,कथा  सांगत  होते
पवित्र  अश्या  मंगलमय  वातावरणात , उत्साह  भरून  राहिला  होता ,
ST कर्मचाऱ्यांच्या  मनातील  विश्वास , आता  अधिकच  दृढ  होत  चालला  होता .

(3)
अनिष्ट  टाळण्यासाठी , गंडांतर  दूर  होण्यासाठी , होते  हे  अनुष्ठान  पूजेचे
घराघरातील  "सत्यनारायण"  आज  बस  आगारात  सर्वांचा  होत  होता
ST कुटुंबातील  वयस्कर  दाम्पत्यास , "सत्यनारायण"  पूजेचा  मान  मिळाला  होता ,
त्यांच्या  गाऱ्हाण्यापाठी  सर्व  कर्मचाऱ्यांचा  "होय  महाराजा ", असा  गजर  होत  होता .

(4)
आता  तुझीच  आस  देवा , "सत्यनारायण"  तूच  पाव  आम्हा  आता
ST कर्मचारी  डोळ्यांत  भक्ती -भाव  आणून  देवासी  मागणे  मागीत  होता
यंदा  मागण्या  आमच्या  मान्य  व्हावयासच  हव्यात , अधिकार  मिळाया  हवा ,
दरवर्षीच्या  "सत्यनारायण"  पूजेचा  तो  आज , मनोभावे  संकल्प  करीत  होता .

(5)
काय  सांगावे , चमत्कार  घडेलही ,"सत्यनारायण"  पावेलही
त्याला  स्वतःवर  आणि  परमेश्वरावर  दृढ  विश्वास  होता
त्याच्यातल्या  नास्तिकच  आज  आस्तिक  होताना  दिसत  होता ,
ईश्वर -चरणी  पूर्णपणे  नत -मस्तक  होऊन  तो , उद्याची  वाट  पहात  होता .


-----श्री.अतुल एस.परब(अतुल कवीराजे)
-----दिनांक-29.01.2022-शनिवार.