चारोळ्या-"खड्डे भरा,खड्डे बुजवा तातडीने,दखल घ्यावी याची त्वरित महानगर-पालिकेने"

[Atul Kaviraje]

    विषय : मुंबई  येथे ,भारतीय  जनता  युवा  मोर्चातर्फे , खड्डे  बुजवा  आंदोलन .
                रस्त्यावरील  खड्डे  भरा ,खड्डे  बुजवा  आंदोलन -चारोळ्या
     "खड्डे भरा,खड्डे बुजवा तातडीने,दखल घ्यावी याची त्वरित महानगर-पालिकेने"
  ----------------------------------------------------------------------


(1)
"खड्ड्यांचा"  प्रश्न  लांबत  चाललाय ,रस्ता  सारा  "खड्ड्यानी"  भरून  गेलाय
वाढता  भ्रष्टाचार  रेती ,माती ,सिमेंट ,खडी ,दगडांनाही  खाऊन  गेलाय
निकृष्ट दर्जाची , भेसळयुक्त ,रस्ते -बांधणी  करून  कंत्राटदारांनी  हात  वर  केलाय ,
या  केलेल्या  कामाचा  त्यांनी  साधा  पुरावाही  नाही  ठेवलाय .

(2)
आज रस्त्यांवरून  धावणारी  वाहने , अडचणीत  सापडलीत ,चाके  खिळखिळी  झालीत
पादचाऱ्यांनाही  "खड्डे"  चुकवून  चालता ,नवी  दुखणी  सुरु  झालीत
कोणालाही  काहीही  पडलेले  नाही , या  "खड्ड्यांकडे"  सतत  दुर्लक्षच  होत  राही ,
हे  असेच  सुरु  आहे  आजवर ,गंभीरपणे  याची  जबाबदारी  कुणीही  घेत  नाही .

(3)
कुणी  नवा  कंत्राटदार  येतो ,"खड्डे"  बुजवतो ,निकृष्ट  माल  वापरतो
येत्या  पावसाळ्यात  तोच -तोच  त्रास ,पुन्हा -पुन्हा  सामोरा  येतो
एकूण  काय  "खड्डा"  काही  भरत  नाही ,"खड्डा"  कधीही  बुजत  नाही ,
सरकारचा  ,महानगर -पालिकेचा सतत  कानाडोळा , दुर्लक्षच  होत  राही .

(4)
झालीत  आजवर  अनेक  आंदोलने ,आजही  कुणी तरी  उभे  राहिलेय
आज  भारतीय  जनता  युवा  मोर्चाने  एक  नवे  आंदोलन  सुरु  केलेय
पाहूया  त्यांना  तरी  यश  मिळतंय  का , त्यांचं  कुणी  ऐकतंय  का  ?,
की  त्यांच्या  घोषणा  फक्त  हवेतच  विरतील ,"खड्डे"  पुन्हा  तसेच  राहतील  ?

(5)
या  "खड्ड्यांमुळे"  मुंबईची  शान  जात  राहिलीय ,रयाच  नाहीशी  होतेय
जगभर  नाव  होणारी  आमची  मुंबई , या  "खड्ड्यांमुळे"  विद्रुप ,कुरूप  दिसतेय
रस्त्यांचा  पुनर्र -विकास ,पुनर्र -निर्माण  यावर  रस्ते -बांधणी  खात्याचा  विचार  व्हावा ,
आधुनिक  तंत्रज्ञानाचा  अवलंब  या  रस्ते -बांधणीस  सर्वतोपरी  करण्यात  यावा .

(6)
त्वरित  याची  दखल  घ्यावी ,असेच  घडत  राहिले  तर ,जीवावरच  बेतेल
हे  रोज -रोज होणारे नवं -नवे  आंदोलन  किती  काळ  चालेल ,काय  निर्णय  लागेल  ?
ही  एक  अति -गंभीर  समस्या  होऊन  राहिलीय ,तातडीने  निर्णय  घेण्यात  यावा ,
या  रस्त्यांवरला  एका  सुंदर  प्रवासाचा , आम्हा  सर्वांना  एक नवा  अनुभव  मिळावा .


-----संकलन
-----श्री.अतुल एस.परब(अतुल कवीराजे)
-----दिनांक-01.02.2022-मंगळवार.