II श्री गुरु देव दत्त II-श्री दत्त अभंग-"निघालो घेवून दत्ताची पालखी"

[Atul Kaviraje]

                                        II श्री गुरु देव दत्त II
                                       --------------------

मित्र/मैत्रिणींनो,

     आज गुरुवार. श्री दत्त गुरूंचा वार.  आज ऐकुया, दत्त गुरूंचा एक अभंग. या अभंगIचे बोल आहेत- "निघालो घेवून दत्ताची पालखी"


                                          श्री दत्त अभंग
                                   "निघालो घेवून दत्ताची पालखी"
                                  ----------------------------


निघालो घेवून दत्ताची पालखी
आम्ही भाग्यवान आनंद निधान,
डुलते हळूच दत्ताची पालखी || धृ ||

रत्नाची आरास साज मखमलीची
त्यावरी सुगंधी फुले गोड ओळी,
झुळूक कोवळी चंदना सारखी || १ ||

सातI जन्माचि हो लाभली पुण्याई
म्हणुनी जाहलो पालखीचे भोई,
शांतमय मूर्ती पाहते सारखी || २ ||

वाट वळणाची जीवालागे ओढी
दिसते समोर नरसोबाची वाडी,
दोलीयात गंगा जाहली बोलकी || ३ ||

संकलक-शैलेश  पानसरे
---------------------

                               (साभार आणि सौजन्य-दत्ताचे अभंग)
                                 (संदर्भ-भजनगीत.वर्डप्रेस.कॉम)
                             ----------------------------------


-----संकलन
-----श्री.अतुल एस.परब(अतुल कवीराजे)
-----दिनांक-03.02.2022-गुरुवार.