लता मंगेशकर

[yallappa.kokane]

लता मंगेशकर

सतत असतो गाण्याचा साठा
मनाच्या कोपर्‍यात साठलेला
लताताईच्या आवाजाचा सुर
कायमचाच हृदयात दाटलेला

प्रत्येकाच्या सुख दुःखातही
जिवंतच ठेवलं प्रत्येक गाणं
मन कधी स्विकारणार नाही
सुराच्या जगातून ताईचं जाणं

दाटून येतो कंठ हा नेहमीच
तुमच्या आठवणीत जुळे कर
अमर झाले प्रत्येक सुर ताल
सलाम तुम्हास लता मंगेशकर


यल्लप्पा सटवाजी कोकणे