चारोळ्या-"प्रतिष्ठित रस्त्यावर येऊन भीक मागतोय,अहो हा आंदोलनाचाच एक प्रकार असतोय

[Atul Kaviraje]

                              विषय :भीक  मांगो  आंदोलन
                         मार्मिक  अभिनव  आंदोलन  चारोळ्या
"प्रतिष्ठित रस्त्यावर येऊन भीक मागतोय,अहो हा आंदोलनाचाच एक प्रकार असतोय"
------------------------------------------------------------------------


(1)
काय  म्हणावे  या  जनतेला  ? झालंय  काय   तिला  ?
"आंदोलनासाठी"  चक्क  रस्त्यावर  येऊन  "भीक  मागायला"  ?
हे  ती  काय  करतेय  ? कुणासाठी  ती  "भीक  मागतेय"  ?
सगळेच  झाले  भिकारी  तर ,तिला  "भिक्षा"  कोण  देतेय  ?

(2)
"आंदोलनाचा"  दुसरा  कोणताच  उपाय  नव्हता  सापडत
प्रत्येकाच्या  हाती  मग  कटोरा  देण्यात  आला
"भिकेचे"  डोहाळे  लागणे , ही  म्हण  प्रत्यक्षात  खरी  होऊन ,
"भीक"  मागण्या  "आंदोलनकारीचा"  जथा  मार्ग  आक्रमू  लागला .

(3)
या  जमलेल्या  वाटीभर  "भिकेतून"  जनतेचे  प्रश्न  सुटणार  आहेत  ?
की  या  "भिकेने"  त्यांना  बंगला  बांधून  देणार  आहेत  ?
नुसतं  खूळच  लागलंय , काढून  टाका  हे  डोक्यातून  !,
काय  करायचंय  सिद्ध  तुम्हाला  ही  "भीक  मागून"  ?

(4)
"भीक  मागता -मागता"  खरोखरच  भिकारी  व्हायची  येईल  पाळी
रस्ता  दिसेल  मग  सगळा  भिकाऱ्यांनीच  भरलेला
सरकारला  काय  वेड  लागलंय , तुमच्याकडे  पाहायला  ?
उलट  उतच  येईल , या  अविचारी  आंदोलनाने  तुमच्याच  टिंगल -टवाळीला .

(5)
आज  खरे -खुरे  भिकारी  रागात , घुश्यात  होते
त्यांच्या  "भिकेची"  जागा , "आंदोलनकारीनी"  केली  होती हडप
त्यांचा  आज  चक्क  खाडा  झाला  होता , या  कारणास्तव
राहून  राहून  मनी  शंका  येई , भिकाऱ्यांच्या ,
आमच्या  उदर -निर्वाहाचे कारणच करतील  हे  केव्हातरी गडप   .


-----श्री.अतुल एस.परब(अतुल कवीराजे)
-----दिनांक-10.02.2022-गुरुवार.