II व्हॅलेन्टाईन्स डे-प्रेम दिवस II-चारोळ्या प्रेमाच्या-(भाग -१)

[Atul Kaviraje]

                                 II व्हॅलेन्टाईन्स डे-प्रेम दिवस II               
                                        चारोळ्या प्रेमाच्या
                                           (भाग -१)
                              --------------------------------

मित्र/मैत्रिणींनो,

     आज दिनांक-१४ फेब्रुवारी, २०२२ - सोमवार आहे. आजचा दिवस, "व्हॅलेन्टाईन्स डे हा प्रेम दिवस म्हणून १४ फेब्रुवारी रोजी जगभर साजरा केला जातो. हा एक ख्रिश्चन सण सुद्धा आहे. हा दरवर्षी १४ फेब्रुवारी या दिवशी साजरा केला जातो. या दिवशी लोक आपल्या आवडत्या व्यक्तीला शुभेच्छा संदेश, फुले किंवा चॉकलेट पाठवून प्रेम व्यक्त करतात." तेव्हा चला तर वाचूया, प्रेम-दिना निमित्त प्रेम-चारोळ्या.


(1)
"ग्रीटिंग्स " देतोय  या  वर्षास
"प्रेम"  ठेवशील  माझे  जपून  ?
पुढील  वर्षी  कळेलच  मला ,
"शुभेच्छापत्रांची " दयनीय  दशा  पाहून .   

(2)
दिवस  "१४ -फेब्रुवारीचा " होऊन  सुवर्णाचा   
बरसावा , "प्रेमाचा"  पूर  यावा
लखलखत्या , झुळझुळत्या  कोंदणात  हृदयाच्या ,
हिरा  होऊन  तेजस्वी  झळकावा .

(3)
डोळ्यांत  का  आले  पाणी  ?
लाडके ,थांबव  झरते  मौक्तिक -मणी
जीवन  म्हणजेच  करुण  कहाणी ,
"प्रेमानेच"  फुलती  मधुर  गाणी .

(4)
ज्या  "प्रेमाने"  दिले  जीवन
ज्या  "प्रेमाने"  दिले  चिर -यौवन
त्या  "प्रेमाचे"  क्षण  आठवावे ,
त्या  "प्रेमाचे"  ऋणी  रहावे .

(5)
तनु  माझी  पुलकित  झाली
रंध्रारंध्रावर  रोमांचाचे  काटे  फुलले
जादू  अशी  घडली  जेव्हा ,
ओठांतून  "प्रेमाचे"  शब्द  आले .


-----श्री.अतुल एस.परब(अतुल कवीराजे)
-----दिनांक-14.02.2022-सोमवार.