II व्हॅलेन्टाईन्स डे-प्रेम दिवस II-चारोळ्या प्रेमाच्या-(भाग -2)

[Atul Kaviraje]

                                   II व्हॅलेन्टाईन्स डे-प्रेम दिवस II               
                                          चारोळ्या प्रेमाच्या
                                             (भाग -2)
                                 -------------------------------

मित्र/मैत्रिणींनो,

     आज दिनांक-१४ फेब्रुवारी, २०२२ - सोमवार आहे. आजचा दिवस, "व्हॅलेन्टाईन्स डे हा प्रेम दिवस म्हणून १४ फेब्रुवारी रोजी जगभर साजरा केला जातो. हा एक ख्रिश्चन सण सुद्धा आहे. हा दरवर्षी १४ फेब्रुवारी या दिवशी साजरा केला जातो. या दिवशी लोक आपल्या आवडत्या व्यक्तीला शुभेच्छा संदेश, फुले किंवा चॉकलेट पाठवून प्रेम व्यक्त करतात." तेव्हा चला तर वाचूया, प्रेम-दिना निमित्त प्रेम-चारोळ्या.   


(1)
देहाच्या  देवळात , मन  ईश्वराचे
झरतात  झरे  पवित्र  "प्रेमाचे"
शाश्वत , चिरंतन , अमरत्त्व  लाभलेले ,
अक्षय  जीवन , मधुर  अमृताचे .

(2)
एकचं  वस्तू  जगात  अशी
मोल  जिचे  होत  नाही
दिव्यत्त्व  लाभलेल्या , अश्या  भव्य ,
"प्रेमाने"  जगही  जिंकले  जाई .

(3)
"प्रेम " तर  करतात  सर्वजण
"प्रेमात"  करतात  सर्वस्व  अर्पण
काहीतरी  वेगळे  करुन  आपण ,
दाखवून  देऊ  अमूर्त  देवपण .

(4)
जीवनाचे  तारू  हाती  दिलयं
वाट  चुकलेलं , प्रवाहात  भरकटलेलं 
"प्रेमाच्या"  मजबूत  सुकाणूने  तुझ्या ,
वल्हव , सुखरूप  लाव  किनारी .

(5)
पारख  "प्रेमाची"  करू  नकोस
अशी  सत्त्व -परीक्षा  पाहू  नकोस
आस  जगण्याची  दिलीय  मज ,
"प्रेमाला"  नाव  ठेवू  नकोस .


-----श्री.अतुल एस.परब(अतुल कवीराजे)
-----दिनांक-14.02.2022-सोमवार.