आंदोलन चारोळ्या-"चूल मांडलीय रस्त्यावर आंदोलनाची,या अन चव घ्या झुणका-भाकरीची"

[Atul Kaviraje]

   विषय : सोलापूर  येथे  ST कर्मचाऱ्यांचे  कुटुंबासह  रस्त्यावरच  चूल  पेटवा   आंदोलन .
           वास्तव -ST कर्मचारी  सरकार  निषेध  आंदोलन  चारोळ्या
     "चूल मांडलीय रस्त्यावर आंदोलनाची,या अन चव घ्या झुणका-भाकरीची"            --------------------------------------------------------------------


(1)
आज  संसार  उघड्यावर  आलेला  अक्षरशः  पाहावयास  मिळतोय
ST कर्मचारी  इतकी  आंदोलने  करूनही , अंती  खितपतच  राहतोय
सरकारला  आता  कळूनच  यावे , देत  नव्हते  ते  हूल ,
रस्त्यावरच  मांडलीय  त्यांनी  कुटुंबासह  स्वयंपाकाची  "चूल" .

(2)
आता  हे  तरी  पाहून  सरकारला , थोडी  तरी  दया  येईल
सुकी  भाकरी ,चटणी ,ठेचा  खाताना  पाहून  त्याचे  मन  द्रवील
आमच्यावर  आलेली  ही  पाळी , सरकारच्या  निदर्शनास  येईल ,
ST कर्मचाऱ्यांची  ही  आशा  खरी  ठरेल ,की  त्यांच्या  मनातच  राहील  ?

(3)
सर्व  आंदोलने  करून  ST कर्मचारी  आता  निराश  होतोय
हताशा ,असहाय्यता ,हतबलता  विशेषणांचा  साठा  संपुष्टात  येतोय
विलीनीकरणाचा  विचार  नाही ,मागण्याही  मान्य  होत  नाहीत ,
"चूल"  पेटवा  आंदोलनावरचाही  त्यांचा  विश्वास  आता  ढळत  चाललाय .

(4)
उत्साहात  पेटवलेली  "चूलही"  आज  हळूहळू  थंड  होत  चाललीय
तिच्या  ज्वाळा , तिची आग  आता  मंद  होत  चाललीय
ST कर्मचाऱ्यांच्या  मनातील  धुमारा ,अंगार  मात्र  धुमसत  चाललाय ,
उद्याच्या  दिनी  या  निखाऱ्याचा  वणवा  पेटायचाच  शिल्लक  राहिलाय .

(5)
आता  जास्त  ताणू  नये  सरकारने ,लवकरच  निर्णय  घ्यावा
ST कर्मचाऱ्यांच्या  मागण्या ,हक्क ,अधिकार  त्यांना  नव्याने  द्यावा
घरोघरी  पुन्हा  एक  नवी  "चूल"  मांडून ,त्यांना  आपलासा  दिलासा  द्यावा ,
वसुधैव  कुटुंबकम ,एकमेका  साहाय्य  करुचा  सर्वा  अनुभव  यावा .


-----श्री.अतुल एस.परब(अतुल कवीराजे)
-----दिनांक-26.02.2022-शनिवार.