दिवाळी चारोळ्या-"या पणतीतले तेल वाचवूया,गरिबांची दिवाळी साजरी करूया"

[Atul Kaviraje]

   विषय : प्रभुरामांच्या  अयोध्येत  दिवाळीनिमित्त  १२  लाख  पणत्या (दिवे) लावणार
                         वास्तव  दिवाळी  पैश्यांचा  अपव्यव  चारोळ्या
             "या पणतीतले तेल वाचवूया,गरिबांची दिवाळी साजरी करूया"
  -----------------------------------------------------------------------


(1)
काय  दाखवायचेय , साध्य  करायचेय , हे  सारे  करून , अयोध्येला  ?
"१२  लाख  पणत्या ,दिवे"  लावून  आरास  करून , "दिवाळीला"  ?
राम -राज्यातही  साजरी  होत  होती  "दिवाळी"  विजयाची ,
आपणही  रोवूया  मुहूर्त -मेढ , करून  साजरी  "दिवाळी " आनंदाची .

(2)
"१२  लाख  पणत्या (दिवे )" फार  मोठा  आहे  आकडा
कितीतरी  झाला  असेल  खर्च  तेलासाठी , खूप  सारा  देऊन  रोकडा
वाचले  असते  त्यातील  तेल , मर्यादित  दिवे  लावूनी ,
कशासाठी  हा  अपव्यव  पैश्यांचा , शान -शौकीच्या  आहारी  जाउनी .

(3)
टाळुनी  अति -खर्च  हा  पणत्यांचा , एक  तरी  पणती  पेटवून
जीवन  गरिबांचे  टाकूया  उजळून , प्रकाशमान  झोपडी  करून
त्या  खर्चातून  मुलांसाठी , फराळ ,फटाके ,खाऊ ,पुस्तके  त्यांना  वाटुया ,
विकास  त्यांचा  होण्यासाठी  या  "दिवाळीचाच"  सुमुहूर्त  साधूया .

(4)
खर्च  केला  असता  गरिबांसाठी , "दिवाळी"  त्यांचीही  करीत  साजरी
पणतीही  फडफडली  असती  त्यांचे  घरी , आनंदाची  हसरी
"१२  लक्ष  पणत्या"  पेटून  काही  काळ  जातील  विझुनी ,
परी  आशिष  गरिबांचे  मिळतील , आपणास  सर्वकाळ  हृदयातूनी .

(5)
या  पुढेही  नकोत  असले , दिवाळे  निघणारे , अति -अवाढव्य  खर्च
करूया , "दिवाळी"  साजरी  साधेपणाने , घेऊनि  खर्चाचा  परामर्श
प्रभू -रामाच्या  चरणी  पुन्हा  एकदा  माथा  टेकवूया ,
ही  उधळण  थांबवूया  पैश्यांची , या  "दिवाळीस"  शपथ  घेऊया  !


-----श्री.अतुल एस.परब(अतुल कवीराजे)
-----दिनांक-27.02.2022-रविवार.