II जागतिक महिला दिन II-कविता क्रमांक-3

[Atul Kaviraje]

                                      II जागतिक महिला दिन II
                                            कविता क्रमांक-3
                                     -------------------------

मित्र/मैत्रिणींनो,

     उद्या दिनांक-०८.०३.२०२२, मंगळवार आहे. हा दिवस "जागतिक महिला दिवस" याही नावाने ओळखला जातो. "भारतात मुंबई येथे पहिला महिला दिवस ८ मार्च १९४३ रोजी साजरा करण्यात आला. ८ मार्च १९७१ ला पुण्यात एक मोठा मोर्चा काढण्यात आला होता. पुढे १९७५ हे वर्ष युनोने `जागतिक महिला वर्ष' म्हणून जाहीर केले. त्यानंतर स्त्रियांच्या समस्या ठळकपणे समाजासमोर येत गेल्या." मराठी कवितेच्या माझ्या सर्व बंधू-भगिनी, कवी-कवयित्रींनी महिला दिवसाच्या हार्दिक शुभेच्छा. चला तर वाचूया, या दीना-निमित्त काही कविता---

तू आई
तू ताई
तू आजी
तू बाईचं शेवटी
तू आहेस नारी
तू वारस नाहीस घराण्याचा
पण वारस तूच देशील घराण्याला
नाव मोठं राखण्यास कुळदीपक तूच देशील...
स्त्री जन्म घेतलास अन होळी जीवनाची केली.....
पुराणातही स्त्री बस आगीत होरपळून गेलीं...सीता....
अग्नि परीक्षेला उगीच का सामोरी गेली....
अन मंदोदरी तिचं काय....तिची तर रोजच होती उखळातली गती...
तोड दाबून मुकं पणानं झेलत राहिली सगळे अत्याचार रावणाचे
नांव किती सांगायचे ....
तेंव्हापासून आत्ता चे...
अहिल्या ,सीता,द्रौपदी...
मीरा ,राधा,रुक्मिणी....ते राणी झाशीची पण होतीत्यांच्या सोबतीची
काय सांगू किती अन कसं सांगू
पुराणात ले अन इतिहासातले
सगळे सोडा...
वर्तमानही त्यात जोडा...
आताच तर भीषण चित्र आहें
महिला दिन साजरा करून
त्यांचे  एक दिवस गोडवे गाऊन
बस काय....
विचारा एकच क्षण ....
आपुल्याच मनाला....
आई...पायी स्वर्ग असतो तिच्या
तिचे अन्याय कुणाला सांगू
ताई बाई माई कुणी कुणीच
सुटले नाही....
पाहू काही उपयोग का
लिहण्याचा या पोथीचा
कीं वाचून फेका कचरा नुसता
उद्या चे जैसे थें....
गरज थोडीशीच आहें
मानसिकता बदलण्याची
दृष्टी कोण मानवीय ठेवण्याची
तिलाकाही नको...
फक्त जगु द्या फुलू द्या
कोवळ्या कळी ला उमलू द्या
एक हात द्या प्रेमाची साथ द्या
विश्वास द्या
आश्वासक एक कटाक्ष द्या
बस.......!!!!!!


--#सौ अलका यशवंतराव देशमुख
------------------------------

               (साभार आणि सौजन्य-संदर्भ-धमाल कविता.ब्लॉगस्पॉट.कॉम)
              -----------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-07.03.2022-सोमवार.