राजकारणी चारोळ्या- "नेता परिवाराबरोबर सुसंवाद साधतोय,राजकारणाची नवी चाल खेळतोय"

[Atul Kaviraje]

                   विषय : नेत्यांची  परिवार  संवाद  यात्रा
                       वास्तव  राजकारणी  चारोळ्या
  "नेता परिवाराबरोबर सुसंवाद साधतोय,राजकारणाची नवी चाल खेळतोय"
---------------------------------------------------------------


(1)
निवडणुकीचा  प्रचार ,प्रसार  होतोय  असाही
"नेता"  दिसतोय  आज  फारच  उत्साही
"सुसंवाद  यात्रेनिमित्त  कुटुंबास"  भेटून ,
त्यांची  करतोय  आपुलकीने  चौकशीही .

(2)
कधी  नव्हे  तो  पुळका  आलाय
जनतेच्या  घरी  "नेता"  देतोय  भेट
साऱ्या  "परिवारांची"  काळजीच  जणू  काय  याला ,
नक्कीच  निवडणुकीतील  आपला  विजय  करतोय  सेट !

(3)
निवडणुकीपूर्वी  वारे  वाहतात  प्रचाराचे
वादे -वायदे  करून  मन  वळविण्या  जनतेचे
एकदा  का  आला  निवडणुकीत  निवडून  नेता ,
नियम  पाळतात  का  ते  आचारांचे  अन  विचारांचे  ?

(4)
मला  निवडून  द्या  ! मला  मत  द्या  !
तुमच्यासाठी  मी  हे  करीन , तुमच्यासाठी  मी  ते  करीन
संवाद  ऐकत  ऐकतच  जनता  झालीय  म्हातारी ,
काळ  बदलला  , पण  परिस्थिती  तिची, आहे  तीच  बिचारी .

(5)
आपणच  आपल्या  "परिवाराशी"  सुसंवाद  साधावा
यासाठी  कोण्या  "नेत्याची"  का  बरे  गरज  ?
आपल्या  "कुटंबाचे"  हीत  आपणच  पहावे ,
"नेत्याचे  राजकारणाचे"  गीत  का  बरे  ऐकावे  ?


-----श्री.अतुल एस.परब(अतुल कवीराजे)
-----दिनांक-08.03.2022-मंगळवार.