जन्म देवा का दिला तू मला मानवाचा

[Bhavna Bhalchandra khot]

जन्म देवा का दिला तू मला मानवाचा
का नाही जन्म दिला तू प्राणी अन् पक्षाचा
जंगलात मुक्त फिरलो असतो अन्‌ आकाशात उंच उडालो असतो.
नसती पैशाची चणचण अन्‌ कामाची वणवण

संपला असता जन्म तर तिथेच पडलो असतो
तर तिथेच कुजलो असतो अन् संपून गेलो असतो
ना कोणाला दुःख अन् ना कोणाला सुख

नसते दहनविधी अन् नसते दिवसकार्य
नसते लागले खांदे तिरडी उचलायला
खोटेच हासणे अन् खोटेच रडणे काहिच उरले नसते