II होळी II-कविता क्रमांक-2

[Atul Kaviraje]

                                            II होळी II
                                         कविता क्रमांक-2
                                        -----------------

मित्र/मैत्रिणींनो,

      आज दिनांक-१७.०३.२०२२, गुरुवार आहे. "फाल्गुन पौर्णिमेला होलिका दहन होते. अशा परिस्थितीत होलिका दहन फाल्गुन पौर्णिमेच्या दिवशी १७ मार्च रोजी होणार असल्याने या दिवसाला छोटी होळी असेही म्हणतात." मराठी कवितेच्या माझ्या सर्व बंधू-भगिनी, कवी-कवयित्रींनी होलिकोत्सवाच्या अनेक हार्दिक शुभेच्छा . चला तर वाचूया, या होळीच्या पर्वावर कविता, चारोळी इत्यादी.

                                  चला रे चला, आली होळी

चला रे चला, आली होळी
परंपरा ही मराठ-मोळी
गोळा होऊन होलिकोत्सव
करु साजरा सण पेटवू होळी

होलिका माता छान नेसवा
पाचोळा, गोवऱ्यांनी सजवा
नवयुग होळीचा संदेश नवा
झाडे लावा व झाडे जगवा

अग्निदेवतां करूनी पुजा
द्या टाकून त्यात मनाचा गुंता
करु होमहवन सर्व दु:खांचा
विसरु साऱ्या अडचणी चिंता

नैवद्य पुरणपोळी, देऊ हाळि
होळी रे होळी, पुरणाची पोळी
नैराश्याची बांधूनी मोळी
करु आनंदें साजरी होळी

घेऊन रंगांची पिचकारी
बघा बुवा ती आली टोळी
खालची आळी वरची आळी
रंगपंचमी खेळू भाबडी-भोळी

उधळूनी सारे सप्तरंग
बेभान करी मदमस्त भांग
रंगून नाचून होऊन झिंग
जो तो होई भिजण्यात दंग

मिळू द्या एकमेकांची साथ
खेळू करु रंगाची बरसात
होळी आली नटून सवरून
करू तीचे स्वागत जोश्यात

--✍🏻प्रकाश सखाराम केळकर
---------------------------

               (साभार आणि सौजन्य-संदर्भ-मराठी कविता.ब्लॉगस्पॉट.कॉम)
              -----------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-17.03.2022-गुरुवार.