II होळी II-निबंध क्रमांक-2

[Atul Kaviraje]

                                             II होळी II
                                          निबंध क्रमांक-2
                                         ----------------

मित्र/मैत्रिणींनो,

      काल दिनांक-१७.०३.२०२२, गुरुवार होता. "फाल्गुन पौर्णिमेला होलिका दहन होते. अशा परिस्थितीत होलिका दहन फाल्गुन पौर्णिमेच्या दिवशी १७ मार्च रोजी होणार असल्याने या दिवसाला छोटी होळी असेही म्हणतात." मराठी कवितेच्या माझ्या सर्व बंधू-भगिनी, कवी-कवयित्रींनी होलिकोत्सवाच्या अनेक हार्दिक शुभेच्छा . चला तर वाचूया, या होळीच्या पर्वावर, लेख, माहिती, होळीचे महत्त्व, कथा, शायरी, निबंध, शुभेच्छा, संदेश आणि बरंच काही.

                        होळी निबंध---

     होळी हा भारतातील एक मुख्य आणि प्राचीन सण आहे. हा सण दरवर्षी हिंदू फाल्गुन महिन्यात वसंत ऋतूत साजरा केला जातो. या सणाला रंगांचा सण असेही म्हणतात. हा सण २ दिवस साजरा केला जातो. पहिल्या दिवशी संध्याकाळी होलिका दहन केले जाते. तर दुसऱ्या दिवशी रंग खेळून धुलीवंदन साजरे केले जाते.

     होळी सणाच्या काळात निसर्गात वसंत ऋतुमुळे काही चांगले बदल झालेले असतात, त्यामुळे लोक एकमेकांना रंग लावून आनंदोत्सव साजरा करतात. पण आजकाल लोक रासायनिक रंगांचा वापर करत आहेत ज्यामुळे त्वचेचे नुकसान होते, हे आपण टाळले पाहिजे. या सणाच्या पौराणिक कथेनुसार हा सण वाईटावर चांगल्याच्या विजयाचा संदेश देतो.

     या सणाच्या निमित्ताने लोक आपापसातील मतभेद विसरून एकमेकांना रंग लावतात. हा सण केवळ हिंदूच नव्हे तर सर्व समाजातील लोकही आनंदाने व उत्साहाने साजरा करतात. म्हणूनच या सणाला एकता आणि समानतेचा सण देखील म्हटले जाते.


--अमर शिंदे
------------

                  (साभार आणि सौजन्य-संदर्भ-एसे ऑन मराठी.कॉम)
                 ---------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.03.2022-शुक्रवार.