II होळी II-भाषण क्रमांक-2

[Atul Kaviraje]

                                             II होळी II
                                          भाषण क्रमांक-2
                                         ----------------

मित्र/मैत्रिणींनो,

      काल दिनांक-१७.०३.२०२२, गुरुवार होता. "फाल्गुन पौर्णिमेला होलिका दहन होते. अशा परिस्थितीत होलिका दहन फाल्गुन पौर्णिमेच्या दिवशी १७ मार्च रोजी होणार असल्याने या दिवसाला छोटी होळी असेही म्हणतात." मराठी कवितेच्या माझ्या सर्व बंधू-भगिनी, कवी-कवयित्रींनी होलिकोत्सवाच्या अनेक हार्दिक शुभेच्छा . चला तर वाचूया, या होळीच्या पर्वावर, लेख, माहिती, होळीचे महत्त्व, कथा, शायरी, निबंध, शुभेच्छा, संदेश आणि बरंच काही.

                      माझा आवडता सण होळी---

     आपल्या देशात दर वर्षी अनेक सण उत्सव साजरे केले जातात. परंतु या सर्वांमध्ये माझा आवडता सण होळी आहे. होळी सणामध्ये मला रंगांचा भाग जास्त आवडतो. दरवर्षी सर्व प्रकारचे रंग माझ्याकडे असतात. परंतु माझा सर्वात जास्त आवडता रंग लाल व गुलाबी आहे. मला काळा, पांढरा व जांभळा रंग आवडत नाही. कारण हे रंग लावल्यावर चेहरा विचित्र होऊन जातो.

     होळी येण्याच्या काही दिवस आधीच मी या सणाच्या तयारीला लागून जातो. मी माझे जुने पण न फाटलेले कपडे बाहेर काढतो. त्यांना पाण्याने धुऊन स्वच्छ करतो. होळीच्या दिवशी आम्ही कुटुंबाचे सर्व सदस्य तसेच आमच्या कॉलनीतील मित्रमंडळी एकमेकांना रंग लावतो. या दिवशी एकामेकांवर पाणी उडवले जाते. एकमेकांना गुलाल लाऊन खूप मजा केली जाते. या दिवशी प्रत्येक जण आपआपले दुःख बाजूला ठेवून आनंदी होतो.

     होळीच्या या दिवशी मला माझी आई ने बनवलेल्या करंज्या खायला आवडते. आमच्या घरात होळीच्या दिवशी दरवर्षी वेगवेगळे गोड-धोड पदार्थ बनवले जातात. माझे वडीलही यादिवशी बाजारातून मिठाई विकत आणतात. व यानंतर आम्ही सर्वजण या पदार्थांचा आस्वाद घेतो.

     होळीशी संबंधित मला एक वाईट अनुभवही आलेला आहे. एका वर्षी मी होळी खेळण्यात इतका दंग झालो की मला वेळेचे भानच राहिले नाही. संध्याकाळी सहा वाजेच्या सुमारास मी घरी परत आलो. परंतु मला उशीर झाल्याने पाण्याची टाकि पूर्णपणे खाली झाली होती व मला आंघोळीला पाणी शिल्लक नव्हते. यानंतर जवळपास तीन तास वाट पाहिल्यानंतर रात्रीच्या नऊ वाजेला मी आंघोळ केली. या अनुभवानंतर मी दरवर्षी होळी खेळणे थोडे लवकर संपवून घरी परततो.


--मोहित पाटील
--------------

                      (साभार आणि सौजन्य-संदर्भ-भाषण मराठी.कॉम)
                     -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.03.2022-शुक्रवार.