II होळी II-चारोळी क्रमांक-2

[Atul Kaviraje]

                                               II होळी II
                                            चारोळी क्रमांक-2
                                           -----------------

मित्र/मैत्रिणींनो,

      काल दिनांक-१७.०३.२०२२, गुरुवार होता. "फाल्गुन पौर्णिमेला होलिका दहन होते. अशा परिस्थितीत होलिका दहन फाल्गुन पौर्णिमेच्या दिवशी १७ मार्च रोजी होणार असल्याने या दिवसाला छोटी होळी असेही म्हणतात." मराठी कवितेच्या माझ्या सर्व बंधू-भगिनी, कवी-कवयित्रींनी होलिकोत्सवाच्या अनेक हार्दिक शुभेच्छा . चला तर वाचूया, या होळीच्या पर्वावर कविता, चारोळी इत्यादी.

तुझी बनून राहता तुझाच रंग लागला,
अजून आणखी कशास रंग पाहिजे मला

--©अन्वी आठलेकर
-----------------------------------------------------------
पोटासाठी आयुष्याची झोळी होते
कधीकधी तर अब्रूचीही होळी होते

--©आनंद पेंढारकर
-----------------------------------------------------------
येऊ नये कधीही शिमगा तुझ्या घरावर
मी त्या मुळेच केली होळी जुन्या स्मृतीची.

--©आत्माराम जाधव
-----------------------------------------------------------
ती भेटलीच नाही ,होळी तशीच गेली
मज हळद काल ओली, लाऊन मात्र गेली

--©अरविंद पोहरकर
-----------------------------------------------------------
ती पेटवून होळी जाळून या मनाला
मी आर्तता मनाची रंगात बुडवलेली

--©अलका देशमुख
-----------------------------------------------------------
भरवसा कोठे तसाही कोणत्या विस्तवाचा
तशी होळी की दिवाळी सांगता येत नाही.

--©बाळ पाटील
-----------------------------------------------------------
निळसर डोळे,लाल ओठ अन गाल गुलाबी
तिला वेगळी रंगपंचमी हवी कशाला

--© गोविंद नाईक
-----------------------------------------------------------
रंगात एका रंगुनी जाऊ चला
ही जात धर्मांची इथे धुळवड नको

--©हेमलता पाटील
-----------------------------------------------------------
रोज उत्सव नसे,रोज शिमगा नसे
तू अशी रोज रंगात येऊ नये

--©कलीम खान
-----------------------------------------------------------

--संकलक-जाधव महेश
---------------------

                      (साभार आणि सौजन्य-संदर्भ-मराठी शायरी.कॉम)
                     -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.03.2022-शुक्रवार.