II रंग पंचमी II-कविता क्रमांक-2

[Atul Kaviraje]

                                          II रंग पंचमी II
                                          कविता क्रमांक-2
                                        ------------------

मित्र/मैत्रिणींनो,

     आज दिनांक-१८.०३.२०२२, शुक्रवार, रंगपंचमीचा रंगीत दिवस आहे. "फाल्गुन वद्य पंचमीला प्रामुख्याने महाराष्ट्रात साजरा केला जाणारा हिंदूंचा एक उत्सव. होळी मागोमाग येणारा आणि सर्वांना हवा हवासा वाटणारा दुसरा सण म्हणजे 'रंगपंचमी'. 'रंगपंचमी' हा सण येतो फाल्गुन कृष्णपंचमीला, ह्या दिवशी सर्व लोक रंग खेळतात. एकमेकांच्या अंगावर रंग टाकतात." मराठी कवितेच्या माझ्या सर्व भाऊ-बहिणी, कवी-कवयित्रींनI रंगपंचमीच्या हार्दिक रंगीत शुभेच्छा. चला, तर वाचूया, या रंग-सणाच्या काही कविता--

                                          रंग...!
                                        --------

रंगपंचमी
स्वप्नवत मज आठवली
रंगांची मजाच जणू हरपली
धुळवड चिखलफेक
तेवढीच आता उरली

आनंदाची वर्ष कशी
कशी भुरकन गेली

पूर्वी तोफा दणाणल्या
की एकाहून एक सरस दणाणायच्या
मुलूखमैदान तोफेची
आठवण करून द्यायच्या

आता सारे हंडगे बार
नुसता फुकाचा डोक्याला खार
अन निव्वळ खोटा सोपस्कार
ना मीठ ना तिखट
सप्पक सारा संसार

तू ला तू मी ला मी
स्वार्थाचा नुसता हुंकार
काय राव सारी रयाच गेली
उण्या दुण्याची उबळ आली

नको नको ती खोगीर भरती
वाटले का करावी मग आरती

ना ठाव ठिकाणा आचाराचा
ना ठाव ठिकाणा विचाराचा
ना ठाव ठिकाणा संस्काराचा
वाटले असा नेता रे काय कामाचा

शांतताच मनाची भंग पावली
तेंव्हा कोठे अंतरास जाग आली
म्हंटल संकल्पाची वेळ झाली
विचार करूनच मज भोवळ आली

देव देश अन धर्मापायी प्राण घेतलं हाती
म्हणता म्हणता
अति तेथे माती आठवली
आणि
जुन्याच आठवणींची मग
सुखद
रंगपंचमीच मनी साठवली....!

--प्रशांत शिंदे
------------

                        (साभार आणि सौजन्य-संदर्भ-स्टोरी मिरर.कॉम)
                       ------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.03.2022-शुक्रवार.