II छत्रपति शिवाजी महाराज जयंती II-चारोळी क्रमांक-4

[Atul Kaviraje]

                              II छत्रपति शिवाजी महाराज जयंती II
                                          चारोळी क्रमांक-4
                            -----------------------------------

मित्र/मैत्रिणींनो,

      उद्या दिनांक-२१.०३.२०२२-सोमवार, छत्रपती श्री शिवाजी महाराज यांची तिथीनुसार जयंती आहे. यंदा फाल्गुन वद्य तृतीया ही 21 मार्च 2022 दिवशी आहे. त्यामुळे काही शिवभक्त या दिवशी देखील शिव जयंती साजरी करणार आहेत. महाराष्ट्रात अनेक मराठी सण परंपरेनुसार तिथीवर साजरी करण्याची पद्धत आहे त्यानुसार शिवजयंती देखील तिथी वर देखील तितक्याच उत्साहात साजरी केली जाते. मराठी कवितेच्या माझ्या सर्व बंधू-भगिनी कवी-कवयित्रींना शिव-जयंतीच्या अनेक हार्दिक शुभेच्छा. वाचूया या सुमुहूर्तावर काही चारोळी, कविता, शायरी इत्यादी--

"इतिहासाच्या पानावर, रयतेच्या मनावर...
मातीच्या कणावर आणि विश्वासाच्या प्रमाणावर...
राज्य करणारा राजा म्हणजे राजा शिवछत्रपती "

"उंच आकाशी झेप घ्यायची असेल
तर गरुडासारखं बळ हवं...
दरीत झेप घ्यायची असेल
तर नभाएवढं घाडस हवं...
पाण्यात उसळी घ्यायची असेल
तर माशासारखी कला हवी...
अन् साम्राज्य निर्माण करायच असेल
तर फक्त शिवबाचंच काळीज हवं."

"मराठा राजा महाराष्ट्राचा,
म्हणती सारे माझा राजा..
आजही गौरव गीत गाती,
ओवाळूनी पंचारती..
तो फक्त राजा शिवछत्रपती."

विजेंसारखी तलवार चालवून गेला,
निधड्या छातीने हिंदुस्थान हालवून गेला ...
वाघनख्यानी अफजलखानाचा कोथळा फाडून गेला.
मावळ्यांना घेऊन हजारी सैतानाना नडून गेला
स्वर्गात गेल्यावरही देवांनी ज्याला झुकून मुजरा केला
असा एक मर्द मराठा माझा शिवबा होऊन गेला."

छत्रपती शिवराय दैवत माझे,
एकच असे होऊन गेले,
इतिहासाच्या पानापानांत,
आपले नाव कोरून गेले.

स्थापूनी हिंदवी स्वराज्य आपुले,
शौर्याने लिहिली इतिहास गाथा,
असे आमुचे शिवबाराजे,
त्यांच्या चरणी ठेवितो माथा.


--AUTHOR UNKNOWN
-------------------------

                    (साभार आणि सौजन्य-संदर्भ-मराठी भाषण.कॉम)
                  ---------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-20.03.2022-रविवार.