IIश्री गणेशाय नमःII-"श्री गणेश संकष्टी चतुर्थी"-आरती-"तू सुखकर्ता तु दु:खहर्ता''

[Atul Kaviraje]

                                       IIश्री गणेशाय नमःII
                                     "श्री गणेश संकष्टी चतुर्थी"
                                    -----------------------

मित्र/मैत्रिणींनो,

      आज दिनांक-२१.०३.२०२२-सोमवार, संकष्टी चतुर्थीचा पावन दिन आहे . श्री गणेश चरणी वंदन करून, ऐकुया  गणेश आरती- "तू सुखकर्ता तु दु:खहर्ता"

     सोमवार, २१ मार्च रोजी संकष्ट चतुर्थी आहे. याच दिवशी छत्रपती शिवाजी महाराजांची जयंती तिथीप्रमाणे साजरी केली जाणार आहे. गणपतीची आराधना करणाऱ्यांसाठी संकष्ट चतुर्थी महत्त्वाची मानली जाते. या दिवशी संपूर्ण दिवस उपवास केला जातो आणि गणपती बाप्पाची मनोभावे पूजा केली जाते.

                                       गणपतीची आरती
                                   "तू सुखकर्ता तु दु:खहर्ता''
                                  ------------------------

तू सुखकर्ता तु दु:खहर्ता ।
विघ्नविनाशक मोरया I
संकटी रक्षी शरण तुला मी ।
गणपती बाप्पा मोरया ॥ धृ ॥ १ ॥

तू सकलांचा भाग्य विधाता ।
तूं विद्येचा स्वामीदाता ।
ज्ञानदीप उजळुनी आमुच्या I
निववी नैराश्याला ॥ २ ॥

तू माता तू पिता जगी या ।
ज्ञाता तू सर्वस्व जगी या I
पामर मी स्वर उणे भासती ।
तुझी आरती गाया ॥ ३ ॥

मंगलमूर्ति तूं गणनायक ।
वक्रतुंड तूं सिद्धि विनायक ।
तूझीया द्वारे आज पातली ।
ये इच्छित मज द्याया ॥ ४ ॥


                         (साभार आणि सौजन्य-संदर्भ-यू ट्यूब.कॉम)
                       ---------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-21.03.2022-सोमवार.