दैव फुलाचे

[शिवाजी सांगळे]

दैव फुलाचे

झाली कळ्यांची फुले, भान हरखून गेले
दरवळता चोहीकडे, मनही मोहरून गेले

साऱ्या निसर्ग दूतांचा,लाघवी मोह असा
कुणी रंगामधे,कुणी सुगंधात हरवून गेले

मंदिरी सजवाया तयास प्रतिक्षा कुणाला
माळावे कुंतली, मन यौवनेचे ठरवून गेले

सजेल शेज की अर्थी,मोक्ष कोण्या मार्गी
कुणा ठावे, दैव फुलाचे काय घेवून आले

काही असो अंती क्षणिक वेळे पुरते तरी
गंध अन् रुपाने मनाला आनंद देवून गेले

©शिवाजी सांगळे 🦋papillon
संपर्क: +९१ ९५४५९७६५८९