विनोदी चारोळ्या-"पहा माझे अनोखे आंदोलन,घ्या माझ्याकडून काहीतरी प्रबोधन !"

[Atul Kaviraje]

                        विषय  : झाडावर  चढून  आंदोलन
                        विनोदी  मार्मिक  वास्तव  चारोळ्या
          "पहा माझे अनोखे आंदोलन,घ्या माझ्याकडून काहीतरी प्रबोधन !"
                                     (भाग-१)
       -----------------------------------------------------------


(1)
रस्ते  खचाखच  भरलेत  गर्दीने
पाय  ठेवायलाही  जागा  उरली  नाहीय
"आंदोलनाचा"  अभिनव  मार्ग  अवलंबलाय  मी ,
माझ्याच  घरासमोरील  झाड  आलय  माझ्या  कामी .

(2)
लहानपणापासूनची  माझी  हि  खोडच  समजा
कोणी  रागावले  की  झाडाला  जवळ  करायचे
अनुभव  आहे  गाठीशी , झाडंच  आलाय  मदतीला ,
माझ्या  हक्कांसाठी  मित्र  बनवतोय  झाडाच्या  फांदीला .

(3)
कोणी  मजकडे  पाहो  वा  ना  पाहो
माझे  आवडीचेच  "आंदोलन"   हे
पक्ष्यांशी  मात्र  मी  कायमचेच  वैर  घेतलंय ,
म्हणताहेत , आमच्या  निवाऱ्यास्थानी  कोण  घुसलयं  हे  ?

(4)
झाडावर  सरसर  चढण्याची  सवय  कामी  आलीय
खारुताईही  अचंबित  पाहू  लागलीय
बकध्यान  करण्या  फांदी  निवडलीय  मी ,
महिताहे  कधीना  कधीतरी  "आंदोलन"  येईल  कामी .

(5)
एक  मात्र  नक्की  घडतंय  आश्चर्य   
पर्यावरणाचा  मी  अवचित  झालोय  मित्र
माझ्या  "आंदोलनामुळे"  वृक्ष -तोड  वाचलीय  आताशी ,
पाहण्या  मला  आलंय , आकस्मिक , पथक  वृक्ष -मित्र .


-----श्री.अतुल एस.परब(अतुल कवीराजे)
-----दिनांक-27.03.2022-रविवार.