मार्मिक चारोळ्या-"TV- ANTENNA दिसतील कश्या ? त्याजागी आल्यात गोल बश्या !"

[Atul Kaviraje]

              विषय  : गच्चीवर  लावल्यात  गोल  तबकड्या
                               मार्मिक चारोळ्या
    "TV- ANTENNA दिसतील कश्या ? त्याजागी आल्यात गोल बश्या !"
                                  (भाग-१)
  ---------------------------------------------------------------


(1)
"TV-ANTENNA" इतिहास  जमा  झाल्यात
"जागी  त्यांच्या  गोल  बश्या  आल्यात"
छताछतांवर  एकापाठोपाठ  माना  उंचावून  आभाळात ,
दिमाखात  त्या  मिरवू  लागल्यात .

(2)
दूरदर्शनची  ओळख  होती  "TV-ANTENNA"
गच्चीवरले  तिचे  पक्के  होते  स्थान
क्रांती  होऊन  दूरदर्शनमध्ये ओलांडलाय  तिने  टप्पा ,
निमूट  "TV-ANTENNA" - ला  करावे  लागले  प्रस्थान .

(3)
दिवस  होते  तिचे  डोलायचे , झुलायचे
गच्चीवरल्या  वाऱ्यावर  मोकाट  हिंदोळायचे
तिची  आज  संगत  सुटलीय  कायमचीच  छताची ,
वस्ती  झालीय  गच्चीवर  आता  "गोलाकार  बश्यांची" .

(4)
फारच  तकलादू  होती  तिची  अंगकाठी
वाकली  होती   जणू  येऊन  साठी
पण  होती  दूरदर्शनची  ती  जान ,
कारण  होती  तीच , दूरदर्शनच्या  प्रक्षेपणापाठी .

(5)
"TV-ANTENNA" नाही , तर  प्रक्षेपण  नाही
तिच्याशिवाय  IDIOT-BOX विना -चित्रच  होता
तिच्याशिवाय  "TV" - चे  पानंच  हालत  नव्हते ,
असा  तो  तिचा  जवळचा  अगदी  खास  मित्र  होता .


-----श्री.अतुल एस.परब(अतुल कवीराजे)
-----दिनांक-29.03.2022-मंगळवार.