मार्मिक चारोळ्या-"पहा मी स्टंट करितो,अन पुराच्या पाण्यात इन्स्टंट उडीतो !"

[Atul Kaviraje]

           विषय  : पुराच्या  पाण्यात  उद्या  मारणारी  स्टंटबाज  मुले
                    मार्मिक  वास्तव  प्रेरणादायी (?) चारोळ्या
          "पहा मी स्टंट करितो,अन पुराच्या पाण्यात इन्स्टंट उडीतो !"
                                    (भाग-१)
        ------------------------------------------------------
     

(1)
अल्लड  मी , अजाण  मी , अजूनही  पौगंड
नासमज ,नाउमज  काठावर  उभा  मी
"पुराचं  पाणी"  चढलंय , तीराच्याही  गेलंय  वर ,
"उडी"  मारण्या , सवंगड्यांसह  काठावर  उभा  मी .

(2)
जीवाची  पर्वा  करतोय  कोण  या  वयात
चमकायचंय  मला  काहीतरी  दाखवून  चार -चौघांत
पावसाळ्यासारखा  दुसरा  मोसम  नाही  सिद्ध  करण्यास ,
बिनधास्त  ठोकतोय  मी  "उडी"  उलट -सुलट  "पुराच्या  पाण्यात" .

(3)
माझे  हे  एकचं  काम  असते  वर्षभरातून
पावसाची  वाट  पहात  असतो  चातकाच्या  डोळ्यांतून
कधी  एकदा  ढगफुटी  होते ,"पुराचे  पाणी"  वर  चढते ,
अन  कसब  दाखवितो  मी  माझ्या  पोहोण्यातून .

(4)
स्पर्धा  लागलीय  आम्हा  मित्रांत  पोहोण्याची
भीती  नाही  आम्हा  मुळीच  "पुराच्या  पाण्याची "
पातळी  जरी  वाढली ,"पाण्याची"  धोक्याची ,
मला  दिसतेय  फक्त  वेस , पल्ल्याडल्या  किनाऱ्याची .

(5)
जगभरातून  मला  नाव -लौकिक  मिळालाय , नाव  गाजतंय
"पुराच्या  पाण्यातून" हे  पोरगं , कसं  काय  पोहतंय  ?
माझ्या  "स्टंट"बाजीचा व्हायरल होतोय  व्हिडीओ,
लाईक  चा  इ"न्स्टंट"  पडतोय  पाऊस , दाखवीत  वौटर -रोमिओ .


-----श्री.अतुल एस.परब(अतुल कवीराजे)
-----दिनांक-31.03.2022-गुरुवार.