चारोळ्या-"खड्ड्यात रस्ता की रस्त्यात खड्डा,वाहन-चालक करताहेत आरडा-ओरडा"

[Atul Kaviraje]

                  विषय  : रस्त्यातील  खड्ड्यांचे  वाढते  प्रमाण
                           वास्तव  मार्मिक  चारोळ्या
   "खड्ड्यात रस्ता की रस्त्यात खड्डा,वाहन-चालक करताहेत आरडा-ओरडा"
                                    (भाग-१)
=========================================


(1)
कुठला  "रस्ता"  अन  कुठला  "खड्डा"
"खड्ड्यात  रस्ता" , की  "रस्त्यात  खड्डा"
आज  ओळखू  येईनासा  झालाय  "रस्ता" ,
"खड्डाच"  दिसतोय  सगळीकडे  नुसता .

(2)
कालच  नवी  कोरी  गाडी  केलीय  खरेदी
म्हणालो , मारावा  आणून  एखादा  फेरफटका
आजपासून  गाडी  गॅरेजमध्ये  तुकड्यांत  पडलीय ,
या  "खड्ड्यांचा"  मला  जबरदस्त  बसला  होता  फटका .

(3)
लोकांनी  आता जिमला  जाण  सोडलंय
सारे  कुटुंब  व्यायामास  "रस्त्यावर"  उतरलंय
"खड्डे"  चुकवून  उडी  मारता  मारता ,
घामाने  सारे  शरीर  नखशिखांत  नहालंय .

(4)
मुंबईतले  "खड्डे"  जगभर  प्रसिद्ध  झालेत
आकाशातून  पाहता  चंद्राचाच  फील  येतोय
नासाने  चंद्रावरची  उड्डाणे  रद्द  केलीत ,
मुंबईचे  पर्यटन  खाते  तेजीत  चाललेय .

(5)
इतकी  झालीय  सवय  "खड्ड्यांची"  मला
अंग  खिळखिळे  झाल्याशिवाय  लागतच  नाही  झोप
काहीतरी  निमित्त  काढून  मी  जातो  फिरण्यास ,
लावत  नाही  "खड्ड्यास"  मी  जास्त  वाट  पहाण्यास .


-----श्री.अतुल एस.परब(अतुल कवीराजे)
-----दिनांक-02.04.2022-शनिवार.