चारोळ्या-"खड्ड्यात रस्ता की रस्त्यात खड्डा,वाहन-चालक करताहेत आरडा-ओरडा"

[Atul Kaviraje]

                विषय  : रस्त्यातील  खड्ड्यांचे  वाढते  प्रमाण
                         वास्तव  मार्मिक  चारोळ्या
  "खड्ड्यात रस्ता की रस्त्यात खड्डा,वाहन-चालक करताहेत आरडा-ओरडा"
                                 (भाग-2)
====================================


(6)
"वाहने"  हळू -हळू  चालताहेत , त्यांची  गती  मंदावलीय
"खड्डे"  चुकवत  "चालवायची"  आमच्यावर  पाळी  आलीय
घरी  कधी  पोहोचणार , याची  नाहीय  शाश्वती ,
म्हणून  बायकोने  गाडीतच  संध्याकाळची  चूल  मांडलीय .

(7)
"खड्ड्यात"  भर  टाकून , "खड्डा"  सारा  भरून
कंत्राटदार  बक्कळ  श्रीमंत  झालेत
तर  निकृष्ट  रेतीचा  पुरवठा  करून ,
रेतीवाले  चांगलेच  गब्बर  झालेत .

(
पाऊस  "रस्ता"  भिजवून  टाकतो
पाऊस  साऱ्यांचा  निचरा  करतो
अन  "रस्त्यावरचे  खड्डे"  उघडे  करून ,
पाऊस  कंत्राटदारांचे  पितळ  उघडे  पाडतो .

(9)
आज  "रस्त्यावरून"  कुत्राही  नाही  फिरकत
प्रत्येकाने  आपापली  पाऊलवाट  शोधली  आहे
आजही  "खड्ड्यांमध्ये"  रस्ता  आडवा  पसरलाय ,
कुणीतरी  त्यावर  उभे  राहण्याची  तो  वाट  पहात  आहे .

(10)
आज  ३०००  वे  वर्ष  उजाडलंय
गाडल्या  गेलेल्या  मुंबईचे  उत्खनन  चाललेय
साऱ्या  गोष्टी  मातीमोल  झालेल्या  आढळताहेत ,
पण  "रस्त्यांवरील  खड्ड्याने"  अजूनही  जीव  धरलाय .


-----श्री.अतुल एस.परब(अतुल कवीराजे)
-----दिनांक-03.04.2022-रविवार.