विदारक चारोळ्या-"ढगफुटीने पाऊस शेतात पडला,शेतकरी धाय मोकलून रडला"

[Atul Kaviraje]

              विषय : शेतकऱ्याच्या  शेतात  पाणीच  पाणी
                   वास्तव  विदारक  दुःखद  चारोळ्या
    "ढगफुटीने पाऊस शेतात पडला,शेतकरी धाय मोकलून रडला"
                                 (भाग-१)
   ===============================


(1)
वरुणदेव  आज  थोडासा  रागावला  आहे
म्हणून  का  तो  अतोनात  बरसला  आहे  ?
"शेतावरचा"  बांध  फुटलेला  पाहून ,
"शेतकऱ्याचा"  कंठ  दाटून  आला  आहे .

(2)
जिथे  पडायचा , तिथे  पडत  नाही
पडतो  तेव्हा  कुणाचे  ऐकत  नाही
आज  हीच  परिस्थिती  आलीय  "शेतकऱ्यावर" ,
दुःख  सांगता  येत  नाही , अन  सहनही  होत  नाही .

(3)
पीक  तरारलंय , "शेत"  बहरलंय
भाताचा तरवा  दाण्यादाण्याने  भरलाय 
दुसऱ्याच  क्षणी  पाणीच  पाणी  चहूकडे  होऊन ,
केलेले  परिश्रम  सारे  वाया  गेलेय .

(4)
मातीत  बसून  "बळीराजा"  ढसाढसा  "रडतोय"
डोळ्यासमोरच  पीक  मातीमोल  होताना  पहातोय
म्हणतोय ,देवा  हमी  भाव  नसता  मिळाला , चालले  असते ,
पण  असा  ओला  दुष्काळ  आम्हास  का  देतोय  ?

(5)
पाऊस  नसताना  त्याच्या  डोळ्यांत  पाणी  होते
पाऊस  पडला  तरी  त्याच्या  डोळ्यांत  पाणी  आहे
नशिबाचे  फेरे  आहेत , की  नशीबच  वक्र  आहे  ?
या  पाण्यानेच  त्याचा  घात  केला  आहे  !


-----श्री.अतुल एस.परब(अतुल कवीराजे)
-----दिनांक-04.04.2022-सोमवार.