विनोदी चारोळ्या- डबल डेकरने दिलाय जन्म इटुकल्या पिटुकल्या लाल बस-बाळांना

[Atul Kaviraje]

                      विषय  : बेस्टची  छोटीशी  लाल  बस
                            विनोदी  वास्तव  चारोळ्या
       "डबल डेकरने दिलाय जन्म,इटुकल्या पिटुकल्या लाल बस-बाळांना"
                                  (भाग-१) 
     ------------------------------------------------------------


(1)
बेस्ट  नवा  उपक्रम  राबवतेय
छोटीशी  "लाल  बस"  रस्त्यावर  धावतेय
"डबल  डेकर"  आपल्या  "बाळांना"  धावताना  पाहून ,
पाठोपाठ , मंद  गतीने  चालत  उल्हसित  होतेय .

(2)
या  "लाल  बस  बाळांनी"  रस्त्यावर  गदारोळ  घातलाय
जिकडे  पाहावे  तिकडे रस्ता  लालेलाल  झालाय
ही  पकडू  का  ती  पकडू , असे  प्रवाश्याना  झालय ,
त्यांची  धावपळ  पाहून , लबाड  "लाल   बस  बाळ"  खिदळू  लागलंय .

(3)
एकापाठोपाठ , छोट्या  "लाल  बसेस"  STOP-वर  थांबल्यात
प्रवाश्यांची  त्या  उत्सुकतेने  वाट  पहाताहेत
"लाल  बस  बाळांत" , स्पर्धा  सुरु  झालीय  एकमेकांत ,
त्यांच्या  खेळण्या -खिदळण्याला  उधाण  आलंय  भर   रस्त्यात .

(4)
आज  "दुमजली  बस"  म्हातारी  झालीय
आजपावेतो , प्रवाश्यांची  तिने  खूप  सेवा  केलीय
तिची  गती  मंदावतेय , सारखा  ब्रेक  लागतोय ,
परि , आपल्या  "लाल  बाळांना"  पाहून ,अजूनही  उत्साह  द्विगुणित  होतोय .

(5)
आज  "लाल  बस  बाळांना"  बेस्टने  सुट्टी  दिली  होती
"डबल  डेकर",  "बाळांना"  घेऊन  पिकनिकच्या  दौऱ्यावर  होती
आज रस्ता त्यांच्याविना  सुनसान , कसा  उदास  वाटत  होता ,
"लाल  बस  बाळांच्या " अपरोक्ष  इतर  वाहनांचा  कल्लोळ  वाढत  होता .


-----श्री.अतुल एस.परब(अतुल कवीराजे)
-----दिनांक-06.04.2022-बुधवार.