राजकारणी चारोळ्या-नेते भरवती जनाशीर्वाद यात्रा, पुढील निवडणुकीसाठी एकमेव मात्रा

[Atul Kaviraje]

                        विषय : नेत्यांची जन-आशीर्वाद यात्रा
                             वास्तव राजकारणी चारोळ्या
     " नेते भरवती जनाशीर्वाद यात्रा, पुढील निवडणुकीसाठी एकमेव मात्रा !"
                                   (भाग-3)   
   ----------------------------------------------------------------


(११)
आबालवृद्ध  सहभागी होते "यात्रेत"
बाया-बापड्याना उधाण आले होते
कोरोनामुळे कोंडलेले सारे जन (जण),
बाहेर उत्साहात वावरत होते.

(१२)
"यात्रेकरूंना यात्रा" आवडू लागलीय
ग्राम-दैवत,ग्राम-देवता त्यांची वाट पहाताहेत
लांबचा प्रवास टाळून सारेच,
"यात्रेतच" आपला मुक्काम ठोकताहेत.

(१३)
दर वर्षाकाठी निघतेय  "यात्रा"
राजकारणाला नवा रंग चढलाय
नवं-उमेदवार हिरीरीने भाग घेताहेत,
राजकारणात नवं-नवीन बदल घडताहेत.

(१४)
आज "यात्रेचे" झालयं व्यापारीकरण
मुरब्बी नेते खेळताहेत राजकारण
जनांचा आशीर्वाद घेण्याच्या नावाखाली,
समजून येतंय खरे कार्यकारण.

(१५)
"आशीर्वाद" देऊन जनता थकलीय
हात तिचा नाही उंचावत
कळून चुकलंय, सारं उमजलीय,
मृगजळच, नेते आलेत दाखवत. 


-----श्री.अतुल एस.परब(अतुल कवीराजे)
-----दिनांक-22.04.2022-शुक्रवार.