ड्रग्ज-विरोधी चारोळ्या-ड्रग्जचे पूर्ण पारिपत्य व्हावे ,जीवन नव्याने जगता यावे

[Atul Kaviraje]

          विषय :"SAY NO TO DRUGS, SAY YES TO LIFE"
                 "ड्रग्जला  नाही  म्हणा , जीवनाला  होय  म्हणा "   
                   वास्तव  ड्रग्ज -विरोधी  प्रेरणादायी  चारोळ्या
             "ड्रग्जचे पूर्ण पारिपत्य व्हावे ,जीवन नव्याने जगता यावे"
                                     (भाग-2)
       --------------------------------------------------------


(6)
"जीवन"  आहे  तर  सर्वस्व  आहे
स्वास्थ्य  आहे  तर  सर्वकाही  आहे
"जीवनाचा"  स्वहस्ते  अंत  करू  नका ,
"ड्रग्जला  नाही" , नको  म्हणायला  शिका .

(7)
देशद्रोही  बिघडवताहेत  आजच्या  तरुणाईला
बळी  पडताहेत  तरुण  "ड्रग्जच्या"  आमिषाला
काही  काळापुरती  धुंदी  स्वर्ग -सफर  घडवते ,
ओसरली  की  यातनामयी  नरक -वेदना  देते .

(
कोटींचा  व्यवहार  करणारे  हे  कृष्ण -रॅकेट
काळ्या  जगताचे  हे काळे-कुट्ट  ब्रॅकेट
तुटावयास  हवी  ही  विषारी  साखळी ,
"ड्रग्जच्या"  आहारी  गेलेली  तरुणाई , व्हावयास  हवी  मोकळी .

(9)
स्वतःवरच  स्वतःचे  नियंत्रण  असावे
दुसऱ्यांचे  अनुकरण  कधीही  न  व्हावे
भरकटत  नेणाऱ्या  या  अविचारी  युवा -अवस्थेतून ,
वेळीच  "ड्रग्जच्या"  विळख्यातून  बाहेर  पडावे .

(10)
माझ्या  प्रेरणादायी  चारोळ्यांतून  समाज -प्रबोधन  होईल
शंभरातील  एक  जरी  सुधारला , तरी  त्यांचे चीज होईल
उद्याचा  सूर्य  प्राचीवर  सहस्त्र -किरणांनी  उगवेल
पहाता  पहाता  "ड्रग्जच्या"  अंधारी  साम्राज्याला  गिळून  टाकेल ,
     त्याच्या  किरणांनी  माझी  ही  चारोळी  चमकेल ,
     "जीवन"  जगण्याचा  एक  नवा  मार्ग  ती  दाखवेल .


-----श्री.अतुल एस.परब(अतुल कवीराजे)
-----दिनांक-24.04.2022-रविवार.