मला आवडलेल्या चारोळ्या-चारोळी क्रमांक-१

[Atul Kaviraje]

                                   मला आवडलेल्या चारोळ्या
                                       चारोळी क्रमांक-१
                                 --------------------------

मित्र/मैत्रिणींनो,

--हा  चारोळीकर्ता  बहुधा  केव्हातरी  प्रेमात  पडला  असावा , आणि  काही  कारणास्तव  प्रेमामध्ये  एकतर  विघ्न  आले  असावे , किंवा  प्रेमात  मोडता  आला  असावा , किंवा  त्याची  प्रेयसी  ही दुसऱ्याची  झाली  असावी. असो , या  चारोळीकाराला  आपल्या  तेव्हाच्या  त्या  प्रियेची  प्रकर्षाने  आठवण  येत  आहे. तो  म्हणतोय , सखये , तेव्हाचा  तो  आपल्या  भेटीचा  सुगंध, मला  आजही  तितक्याच   ओढीने  आठवतोय. त्याचा  परिमळ , सुवास  अजूनही  दरवळत  आहे  असे  मला  वाटत  आहे. आणि  जसजसे  दिवस  जाताहेत, तुला  विसरायचा  प्रयत्न  केला  तरी , तो  पुन्हा  नव्याने  अधिकच  दरवळतोय  की  काय  असे  मला  भासू  लागले  आहे. आणि  मग  मन  हे  उगीच  भूतकाळात  रमत  राहते. त्या  आठवणी , तो  पाऊस , ती  भेट , ते  झाड , तो  किनारा , तो  समुद्र , सारं  सारं  काही  फिरून  त्याला  आठवत  राहत. त्याची  प्रेयसी  आज  जरी  त्याच्यासह  नसली , तरी या  त्याच्या  वेड्या  जीवाला , तिला  आठवायचा  असा  विचित्र , वेडा  छंद  लागून  राहतो. त्याचे  त्यालाच  कळत  नाही , की  असे  माझ्या  बाबतीत  का  होतंय ? पण  ते  नकळत  घडत  जाते , मन  भूतकाळात  रेंगाळत  राहते , व  समोर  तिची  भासमान  छबी  उभी  राहते .

==============
सये रोज नव्याने दरवळतो
तुझ्या आठवणीचा सुगंध
मग उगाचच जडतो जीवाला
तुला आठवायचा वेडा छंद
==============

--नव-चारोळीकार
----------------

                       (साभार आणि सौजन्य-संदर्भ-महाराष्ट्रीयन.इन)
                      -----------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-05.05.2022-गुरुवार.