शृंगारिक चारोळ्या-अदा-चारोळी क्रमांक-१

[Atul Kaviraje]

                                       शृंगारिक चारोळ्या
                                            "अदा"
                                       चारोळी क्रमांक-१
                                     ------------------

मित्र/मैत्रिणींनो,

--शृंगार  रसातील  ही  चारोळी , शृंगाराचा  अगदी  कळस  गाठते . चारोळीकार  प्रियकराच्या  शब्दांत  वदतोय , प्रियकर  आपल्या प्रेयसीला  म्हणतोय , आधीच  तू  मीनाक्षी , विशालाक्षी . त्यातच  तू  सोडलेल्या  प्रेमाच्या  अमोघ  नयन-बाणाने , तुझ्या  तिरप्या  - तिरछ्या  कटाक्षाने  माझे  मन, हृदय आधीच  शतशः  विदीर्ण  , त्याचे  शंभर  तुकडे  होऊन  गेलेत . आणि  भरीस  भर  म्हणून  तुझ्या  या  प्रेम -नयनांत  काजळाची  रेघ   तू  इतकी  आकर्ण  खेचली  आहेस , की  संभ्रमाचा , संमोहनाचा  हा  एक  प्रकार  आहे  की  काय  असं  मला  भासू   लागलयं . इतका तुझ्या नयनांत मी बुडून गेलो आहे, तुझ्या नयनांत मी बांधला गेलो आहे.  काहीही  असो , पण  मला  तू  आज  कालच्या  पेक्षाही अधिक  मोहक , सुंदर , लाघवी , गोड  दिसू  लागली  आहेस .

=================
तुझ्या नयनांच्या बाणाने
झाले काळीज शतशः विदीर्ण
नको इतकी ओढूस रेघ काजळाची,
नयनांत तुझ्या आकर्ण.
=================


-----श्री.अतुल एस.परब(अतुल कवीराजे)
-----दिनांक-07.05.2022-शनिवार.