मला आवडलेल्या चारोळ्या-चारोळी क्रमांक-2

[Atul Kaviraje]

                                     मला आवडलेल्या चारोळ्या
                                         चारोळी क्रमांक-2
                                   -------------------------

मित्र/मैत्रिणींनो,

     --काहीशी  विनोदाची  झाक  असलेली  ही  चारोळी , थोडीशी  मिश्किल  वाटते  नाही . या  नवं -चारोळीकारास  यातून  असं  सुचवायचं  असेल  बहुधा , प्रेम  होण्याआधी  प्रेमात  हे  पडणं  आलंच . शब्दशः  अर्थ  घेता , हा  प्रेमी  खरोखरच  प्रेमात  पडतो , की  त्याला  त्याच्या  प्रेमिकेवर  प्रेम  जडत,  हा  प्रश्न  अलाहिदा . मराठी  भाषा  ही  इतकी  प्रगल्भ  आहे , की  ती  वळवावी  तशी  वळते . म्हणूनच , हा  प्रेमात  पडणारा  वीर , त्याला  खरोखरच की (खोटं-खोटं)  लागल्याचे  दुःख  विसरून , तो  चक्क  नाहीच  म्हणतो . कारण  प्रेमात  पडणे  ही  एक  सुखद  संवेदनाच  असते . म्हणून  कितीही  वेळा  पडले  तरी  त्याला  कधीच  लागत  नसते .

     पुढे  जाऊन  हा  नवं -प्रेमी , चारोळीकारच्या  शब्दात  म्हणतो , प्रेम  करणे , म्हणजे  एखाद्या  मुलीच्या  प्रेमात  पडणे , हे  ओघा -ओघाने  आलंच , परंतु  याही  पुढे  जाऊन  तो  खट्याळपणे  म्हणतो  की , त्याला  एखादी  दुसरी  मुलगी  आवडू  लागताच , पहिलीला  विसरता  किंवा  न  विसरता  , तो  तिच्याही  प्रेमात  पडतो . व  असं  त्याचे  हे  प्रेमाचे  धर -सोड  सत्र  कायम  सुरूच  राहते . हा  प्रेमी  म्हणतो , कितीही  प्रेम  करा , कितीही  जणींवर  प्रेम  करा , पडता  पडता  न  लागल्यामुळेच  मी , अनेक   जणींच्या  प्रेमात  पडतोय , कारण  मला   हे  जगावेगळं  प्रेम  केल्याशिवाय माझं  भागतच  नाही . हा त्याच्या  मनाचा  चंचलपणा , अस्थिरपणा  तर  नाही  ना , हे  या  चारोळीकारास  विनोदाने  सुचवायचं  असेलही .असो , मित्रानो , तुम्ही  कधी  प्रेमात  पडला  आहात  का  ? मी  तर  कधी  नाही , बुवा  !

================
प्रेमात जरी "पडलो" तरी,
आम्हाला कधीच "लागत" नाही..
कारण एकीवर प्रेम करून,
आमचं कधीच "भागत" नाही...!
================

--नव-चारोळीकार
-----------------

                         (साभार आणि सौजन्य-मराठी नेतृत्व.कॉम)
                        --------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-10.05.2022-मंगळवार.