मला आवडलेल्या चारोळ्या-चारोळी क्रमांक-3

[Atul Kaviraje]

                                     मला आवडलेल्या चारोळ्या
                                         चारोळी क्रमांक-3
                                    ------------------------

मित्र/मैत्रिणींनो,

    --चारोळीकार  हा  सहृदयी , कुटुंब -वत्सल  असावा . असं  असल्याशिवाय  त्याला  आईची  महती  कुठून  अन  कशी  कळणार  ? त्याला  त्याचे  बालपण  बहुदा  या  चारोळीतून  सांगायचे  असेल . बालपणात , आईने  त्याच्यावर  केले  प्रेम ,लाड , त्याला  दिलेली  ममता , त्याचे  पुरवलेले  सारे  हट्ट , हे  त्याला  आठवत  असावेत . पुढे  जाऊन  तो  म्हणतो , आई  हे  असे  अजब  रसायन  आहे , की  हे  सारं  करता -करता , ती  रागावते  पण . म्हणजे  तिला  आपल्या  मुलाचे  वागणे नाही  पटले , कुठेतरी  खटकले , की  तिला  जेवढा प्रेम  करण्याचा  अधिकार  आहे , तेवढा  रागावण्याचाही .

     पण  तिचा  हा  राग  क्षणभरही  न  टिकणारा  असतो . जितक्या  पळभरात , ती  आपल्या  मुलावर  रागावते , त्यापेक्षा  अधिक  वेगाने , क्षणभरात  ती  सारा  राग  विसरून , त्याला  जवळ  घेते , कवेत  घेते  व  आपली  माया -ममता  देते . आणि  हे  असं  करणारी , हे  असं  वागणारी  फक्त  आई  आणि  आईच  असते . बाकी , सारी  नाते -मंडळी  तुम्ही  पहाल , तर  कुटुंबात  हे  कुणालाच  जमणार   नसतं , काहींचा  राग  हा  तर  वर्षानु -वर्षे  टिकणारा  असतो , की  जो  दुरावा  निर्माण  करतो , नाते -संबंध  बिघडविणारा  असतो , नात्यात  दरी  निर्माण  करणारा  असतो . परंतु  आईच्या  बाबतीत  हे  कधीच  नसते . आईला  आपली  सारी  मुले  तितकीच  प्रिय  असतात . त्यांच्यावर  तितकेच  प्रेम  असते . आणि  म्हणूनच  आईचा  हा  राग अळवाच्या  पानावरील  ओघळणारा  दव -बिंदूच  असतो . धन्य  ती  आई  !

===========
रागावरल्यावरही
जी क्षणात कवेत घेते
ती फक्त आणि फक्त
आपली आई असते.
===========

--नव-चारोळीकार
----------------

                         (साभार आणि सौजन्य-मराठी नेतृत्व.कॉम)
                        --------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-11.05.2022-बुधवार.