मला आवडलेल्या चारोळ्या-चारोळी क्रमांक-4

[Atul Kaviraje]

                                    मला आवडलेल्या चारोळ्या
                                        चारोळी क्रमांक-4
                                  -------------------------

मित्र/मैत्रिणींनो,

     --कथित , नवं -चारोळीकारास  जीवनाचा  अर्थ  चांगलाच  समजला  असावा. असा  अनुभव  आलेलाच  ही  चारोळी  लिहू  शकतो . जीवनाचा  प्रवास  करता , त्याला  बरेच  बरे -वाईट , कटू -गोड  अनुभव  आलेले  दिसत  आहेत . वाटेवर  गुलाबाच्या  पाकळ्यांचे  जाजम, पायघड्या , दूरवर  सुखाचे  मृगजळ  जरी  त्याला  दिसत  असले , तरी  ते  भासमान ,वृथा , खोटे  असल्याचे  त्याच्या  आता  लक्षात  आले  होते . गुलाबाच्या  फुलांची  पाऊलवाट  त्याला  आता  काट्यानी  भरलेली  अनुभवास  येत  होती . भासमान  मृगजळ  म्हणजे  जळाचा  फक्त  भास -आभास  होता . जवळ  जाऊन  पाहता , तिथे  तर  काहीच  नव्हते .

     असे  जीवनातील  खाच -खळगे , पार  करता  या  चारोळीकाराच्या  आता  लक्षात  येऊ  लागलं  होत , की  जीवन  जगणं  ही  काही  सोपी -साधी -सरळ  गोष्ट  नव्हे , तर  फारच  कठीण -बिकट  अशी  ही  पायवाट  आहे , जिथे  प्रत्येक  पाऊल , हे  फारच  शिस्तीत , अनुभवाचे , सरळ, अति काळजीपूर्वक  टाकावे  लागतेय . अति  सावकाश टाकावे  लागतेय . जीवनातील  ते  लक्ष्य , तो  टप्पा  तर  गाठायचाय , पण  फारच  काळजीपूर्वक . टक्के -टोणपे , खात -खात , वाईट -चांगल्या  गोष्टींचा  अनुभव  घेत , पुढेच  जायचंय . त्यासाठी  मनो -निग्रह  हवाय , मनाचा  निर्धार  हवाय, जिद्द हवीय . लक्ष्य  जरी  अवघड  नसले , ते  समोर  दिसत  असले  तरी , मागील  जीवनातील  कटू , कडू  अनुभव  लक्ष्यात  घेता , आता  ते  कसं  पार  पाडायचं , हा  टप्पा  कसा  गाठायचा , ते  लक्ष्य  कसं  प्राप्त  करायचंय , हे  या  चारोळीकारास   आता  चांगलंच  माहित  झालंय .

=============
वाटेवरील प्रत्येक पाऊल
आता सावकाश पडत होते
लक्ष्य अवघड नव्हते
मात्र अनुभव कडवट होते
=============

--नव-चारोळीकार
-----------------

                        (साभार आणि सौजन्य-मराठी विचार.कॉम)
                       --------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-12.05.2022-गुरुवार.