मला आवडलेल्या चारोळ्या-चारोळी क्रमांक-5

[Atul Kaviraje]

                                      मला आवडलेल्या चारोळ्या
                                          चारोळी क्रमांक-5
                                    -------------------------

मित्र/मैत्रिणींनो,

--ही  चारोळी-निर्माता  चारोळीकार , हा  रोमँटिक  मूडचा  असावा , म्हणूनच  अशी  ही  शृंगारिक  चारोळी , त्याच्या  लेखणीतून  आकार  घेत  आहे . तो  म्हणतोय , म्हणजे  या  चारोळीतील  प्रेमी  आपल्या  प्रेमिकेस  म्हणतोय , की  प्रिये , बघ , बाहेर  कशी  थंडी  पडली  आहे , अंगात  शिरशिरी  दाटून  आली   आहे , रोम  अन  रोम  कसे  फुलून  आले  आहेत . शरीरात  हुडहुडीने  प्रवेश  केला  आहे . काहीतरी  असं  हवय , की  ज्यामुळे , हे  शरीराचे  कंपन  थांबेल , ही  शिरशिरी  , ही  हुडहुडी  नाहीशी  होईल , अंगात  ऊब  येईल . साऱ्या शरीरास  कसं  उबदार  वाटेल . आणि  सारं  काही  सुंदर , मनासारखं  वाटू  लागेल . 

     तर  हे  सारं  मला  कसं  प्राप्त  होईल , हे  माझे  थरथरणारे  आतुर  ओठ  तुझे  रूप  पाहून , तुझे  चुंबन  घेण्याच्या  प्रतीक्षेत  आहेत . तुझ्या  गालावर  जेव्हा  माझ्या  या  हळव्या ओठांचा  स्पर्श  होईल , तुझ्या  गुलाबी  गालांवर  जेव्हा  माझ्या  या  अधीर  ओष्ठांची  मोहोर  उमटेल , त्यानंतर  जे  होईल  ते  मला  अनुभवाने  चांगलंच  ठाऊक  आहे . आणि  असं  झालं  की  तू  मला  भावना -वेगाने  आपल्या  मिठीत  नक्कीच  घेशील , आणि  मग  माझे  हे  कंपायमान , थंडीने  थरथरणारे  शरीर , ही  काया , तुझ्यात  एकरूप  होईल . खरी  ऊब  ही  तुझ्या  मिठीतच  मला  मिळेल , जिथे  मला  आपलेपणा , एक  सुकून , एक दैवी  अनुभव, एक आगळे सुख   प्राप्त  होईल .

==============
स्पर्श हळव्या ओठांचा
तुझ्या गालावर जेव्हा होई
या गुलाबी थंडीत खरी ऊब
तुझ्या मिठीतच येई
==============

--नव-चारोळीकार
-----------------

                    (साभार आणि सौजन्य-संदर्भ-स्टेटस.एंटरप्रुनरशीप.कॉम)
                   -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.05.2022-शुक्रवार.