खड्ड्यामध्ये मेणबत्त्या दिवे लावलेत,आंदोलनकारीनी जणू पार्टीचे बेत आखलेत

[Atul Kaviraje]

                   विषय :खड्ड्यात  रात्रीचे  दिवे  लावून  आंदोलन
                    वास्तव  मार्मिक  रस्ता -शोकांतिका  चारोळ्या
    "खड्ड्यामध्ये मेणबत्त्या दिवे लावलेत,आंदोलनकारीनी जणू पार्टीचे बेत आखलेत"
   -------------------------------------------------------------------
         
(1)
कुणी  केक  कापतोय  "खड्ड्यात"  बसून
कुणी  सेल्फी  घेतोय  "खड्ड्यात"  उभा  राहून
आता  तर  पार्टीचाच  बेत  आखलाय ,
"खड्ड्यात"  दिवे  अन  डिम -लाईट  लावून .

(2)
काय  ही  दुर्दशा ,दुरावस्था  झालीय  "खड्ड्यांची"  ?
जनतेला  तिची  काळजी , आस्था  वाटतेय  राहून -राहून
गेल्या  कित्येक  वर्षांत  पहिले  नव्हते  हे  "खड्डा" -दृश्य ,
आज  रस्त्यावर  चिटपाखरूही  नाहीय , जणू  झालाय  तो  अस्पृश्य .

(3)
नेता येतो , दिवे  लावतो , मौन  धरतो
चार  शब्द  बोलतो , श्रद्धान्जली  अर्पण  करतो
अरे , तो  रस्ता  काही  कायमचाच  नाही  मृत  झालाय ,
फक्त  त्याचा  "खड्डाच"  भरायचा  बाकी  राहीलाय  !

(4)
"खड्ड्यालाही"  आता  अंधाराची  भीती  वाटू  लागलीय
कधी  येतोय  आंदोलनकारी , नी  माझ्यात  प्रकाश  भरतोय  ?
प्रगतीचे  नाव  नाही , मला  समतल  करण्याचे  राहून जाई ,
फक्त  आणि  फक्त  तो  दिव्यातले  तेल  मात्र  जाळतोय  !

(5)
वर्षानुवर्षे  तो  रस्ता  तसाच  पडून  आहे
त्याच्यावरच्या  "खड्ड्यांकडे"  दुर्लक्षच  होत  आहे
मात्र  कुणी   एक  पांथिक  नित्य -नेमे  न  चुकता  रोज ,
रस्ता -"खड्डया"  किनारी  एक  पणती  मात्र  जरूर  लावीत  आहे .


-----श्री.अतुल एस.परब(अतुल कवीराजे)
-----दिनांक-19.05.2022-गुरुवार.