मला आवडलेल्या चारोळ्या-चारोळी क्रमांक-6

[Atul Kaviraje]

                                    मला आवडलेल्या चारोळ्या
                                        चारोळी क्रमांक-6
                                  -------------------------

मित्र/मैत्रिणींनो,

     --ही  चारोळी  लिहिणाऱ्या  चारोळीकाराने  जीवनाच्या  न  संपणाऱ्या  प्रवासाचा  बरा -वाईट  अनुभव  घेतलेला  दिसतोय . तो  म्हणतोय , अपेक्षित , हवहवंस  वाटणार  सारंच  काही  तुमच्या  मनासारखं  होत  नसत . तुम्ही  ज्याची  आस  करता , जी  स्वप्ने  तुम्ही  पाहता , ती  सारीच  काही  पूर्ण  होतील  असेही   नाही , अथवा , ज्याची  इच्छा  मनी  धरता , त्या  सर्वांची  पूर्तता  होईलच  असे  नाही . जीवनात  सगळंच  मिळतं  नसतं . काही  निसटूनही  जात  असतं . अगदी  घट्ट  मुठीतल्या  वाळूसारखं . परंतु  इच्छित    गोष्ट  किंवा  वस्तू  न  मिळाल्यामुळे  अगदीच  काही  हात  पाय  गाळून  बसायचं  नसतं . प्रयत्न  हा   शेवटपर्यंत  करायचाच  असतो . तो  अर्धवट  सोडायचा  नसतो .

     आणि  पुढे  जाऊन हा  नवं -चारोळीकार  असंही  म्हणतो , हे  सारं  काही  तुम्हाला  एकट्यालाच  जमण्यासारखं नाही आहे , हा  प्रवास  अथांग ,लांबचा  आहे . तुम्हाला  एका  साथीदाराची  नेहमीच  गरज  भासत  राहणार . नव्हे  त्याच्या  आधारानेच तर  तुम्ही  जीवनरूपी  भवसागर  अगदी  सहज  पार  करू  शकाल .तेव्हा  हरायचे  नाही , हातचे  निसटून  गेले , म्हणून  दुःखही  करायचे  नाही . तो  तुमचा  साथीदार , तुमचा  जीवनभर  तुम्हाला  साथ  देणारा  कुणी  एक , आयुष्याच्या  पुढील  टप्प्यावर  तुमची  वाट  पहात  आहे . पुढील  वळणावर  तो  तुमच्यासाठी  थांबून  राहिला  आहे . फक्त  आणि  फक्त  तुमच्यासाठीच  तो  तिथे  आहे . त्याला  तुमची  जाणीव  आहे . आणि मला  खात्री  आहे  की  तुम्ही  त्याच्या  मदतीने  तुम्हाला  हवे  ते  पुन्हा  प्राप्त  करू  शकाल , मिळवू  शकाल .

=================
जीवनात  सगळंच  मिळत  नाही
म्हणून  प्रयत्न  सोडायचा  नसतो
कुठल्यातरी  वळणावर ,
आपली  वाट  पहाणाराही  असतो .
=================

--नव-चारोळीकार
----------------

                      (साभार आणि सौजन्य-संदर्भ-मराठी जर्नल.इन)
                     ------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-21.05.2022-शनिवार.