मला आवडलेल्या चारोळ्या-चारोळी क्रमांक-7

[Atul Kaviraje]

                                    मला आवडलेल्या चारोळ्या
                                        चारोळी क्रमांक-7
                                  -------------------------

मित्र/मैत्रिणींनो,

    --हा  नवं -चारोळीकार , प्रेमात  चांगलाच  बुडालेला  दिसतोय , किंवा  त्याला  प्रेमाचा  चांगलाच  अनुभव  आलेला  आहे , म्हणूनच , ही  प्रेमाची  समर्पक  चारोळी  त्याच्या  लेखणीतून  प्रसवली  असावी . प्रस्तुत  प्रेमी  हा  आपल्या  प्रेमिकेवर  खूप  प्रेम  करतो . उठता , बसता , झोपेत , स्वप्नात  त्याला  तिचीच  छबी  दिसतेय . तिच्या  प्रेमात  तो  इतका  समरस  झालाय , की  त्याच्या  हृदयातूनही  नकळत  प्रेमिकेच्याच  नामाचा  जाप  सतत  होत  आहे . तो  आपल्या , मनाच्या , हृदयाच्या  इतका  काबूत  गेला  आहे , वश  झाला  आहे , आधीन  गेला  आहे  की  आपल्या  प्रेमिकेचे  नावही  घ्यायला  त्याला  त्याचीच  म्हणजे  हृदयाची  परवानगी  घ्यावी  लागतेय . इतकी  त्याच्या  हृदयाची  अन  प्रेमिकेच्या  नामाची  नाळ  जुळून  आली  आहे .

     या  तथाकथित  बिचाऱ्या  प्रेमीच  हृदय , आपल्या  प्रेमिकेचं  नांव  घेता  घेता  तिला  असं  काही  समर्पित  झालं  आहे , की  त्याचे  वागणंही , वर्तनही  अगदी  तिच्यासारखंच  होऊ  पाहत  आहे . कितीही  रोखलं , त्याला  कितीही  बद्ध  केलं , त्याला  कितीही  आळा  घातला , तरीही  त्याचे  हृदय  त्याच्या  मनाप्रमाणे  न  वागता , तिच्या  मनाप्रमाणे  वागू  लागलंय . इतकं  ते  त्याच्या  प्रेमिकेच्या  बंधनात  अडकून  राहिलंय . आता  त्याचे  हृदय  हे  तिचं  होऊ  पहात  आहे . एक  जिस्म -दो जान असं  केव्हातरी  वाचनात  आलं  होतं , परंतु  आता  असं  म्हणायची  पाळी  आली  आहे , की  एक  प्रेम -प्रेमिका  आणि  दोघांचे   एकच  हृदय .

================
तुझे नाव घ्यायला आता मला
माझ्या ह्रदयाला विचारIवं लागतय
बघितलस माझं हृदय ही आता
अगदी तुझ्या सारखचं वागतय..
================

--नव-चारोळीकार
----------------

                   (साभार आणि सौजन्य-संदर्भ-ऑल इन मराठी.कॉम)
                  ----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-22.05.2022-रविवार.