मला आवडलेल्या चारोळ्या-चारोळी क्रमांक-8

[Atul Kaviraje]

                                   मला आवडलेल्या चारोळ्या
                                       चारोळी क्रमांक-8
                                 -------------------------

मित्र/मैत्रिणींनो,

     --या  जगावेगळ्या  चारोळीतून  असं  निदर्शनास  येतंय , की  ही  चारोळी  लिहिणाऱ्या    चारोळीकारास  आपल्या  आप्त-संबंधांचा , नातलगांचा , स्वकीयांचा  चांगलाच  अनुभव  आलेला आहे . त्याच्या  आयुष्यात  या  जीवनाच्या  सफरीत , लहानपणापासून  ते  मोठं  होईपर्यंत  अनेक  माणसं , नाती  गोती , परकी , त्रयस्थ  येऊन  गेली . या  आयुष्यात  त्याने  अनेक  माणसे  बदललेली  पहिली , अगदी  चेहऱ्याने  अन  स्वभावाने  देखील . पण  प्रत्येकवेळी  त्याला  त्यांच्या  स्वभावाचा  चांगला  तसेच  वाईटही  अनुभव  आला . त्याला  त्यांचा  आलेला  अनुभव  हा  प्रत्येकवेळी  वेगळा  होता .

     परंतु  असे  एकचं  नाते  त्याला  प्रचीतीस  आले , की  जे  कधीही  बदलले  नाही , त्या  नात्याचे  संबंध  कधीही  दुरावले  नाहीत , त्या  नात्याचे  प्रेम  कधीही  आटले  नाही . आणि  ते  नातं  म्हणजे  आईचं . जेव्हा  जेव्हा  या  नवं -चारोळीकाराची  आईशी  जवळीक  झाली , आईशी  वेगवेगळ्या  परिस्थितीत  संबंध  आला , तेव्हा  तेव्हा  त्याला  फक्त आणि  फक्त  आईचे  प्रेमच  दिसलं . भले  त्याची  कितीही  चूक  झाली , तो  कितींदा  तिच्या  मनाविरुद्ध  वागला , तरीही  त्याची  ती  चूक  तिने  पोटात  घेऊन , त्याला  प्रेमच  दिलं . त्याची झालेली आगळीक  तिने  नजर -अंदाज  करून , त्याच्यावर  फक्त  प्रेमाचा ,मायेचा ,ममतेचाच  वर्षाव  केला . सर्व  नाती  बदलली , परंतु  आई  फक्त  तीच  राहिली . धन्य  तो  पुत्र  अन  धन्य  ती  आई.

============
अनेक चेहरे
बदलतांना पाहिले,
आईला मात्र प्रत्येकवेळी
प्रेम करताना पाहिले.
============

--नव-चारोळीकार
-----------------

                     (साभार आणि सौजन्य-संदर्भ-मराठी विचार.कॉम)
                    -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-23.05.2022-सोमवार.