II भक्ती-भजन II-विठ्ठल भक्ती-अभंग-विठ्ठलाच्या पायी वीट झाली भाग्यवंत

[Atul Kaviraje]

                                         II भक्ती-भजन II
                                        ------------------

मित्र/मैत्रिणींनो,

     आज बुधवार. आज ऐकुया एक विठ्ठल भक्ती अभंग. या अभंगIचे  बोल आहेत- "विठ्ठलाच्या पायी वीट झाली भाग्यवंत"


                                       विठ्ठल भक्ती-अभंग
                             "विठ्ठलाच्या पायी वीट झाली भाग्यवंत"
                            ----------------------------------


विठ्ठलाच्या पायी वीट झाली भाग्यवंत
पहाताच होती दंग आज सर्व संत
विठ्ठलाच्या पायी वीट झाली भाग्यवंत

युगे अठ्ठावीस उभा विठू विटेवरी
धन्य झाली चंद्रभागा धन्य ती पंढरी
अनाथांचा नाथ हरी असे दयावंत
विठ्ठलाच्या पायी वीट झाली भाग्यवंत

कुठली ती होती माती कोण तो कुंभार
घडविता उभा राही पहा विश्वंभर
तिच्यामुळे पंढरपूर झाले कीर्तिवंत
विठ्ठलाच्या पायी वीट झाली भाग्यवंत

पाहुनिया विटेवरती विठू भगवंत
दत्ता म्हणे मन माझे होई येथे शांत
गुरुकृपे साधीयला मी आज हा सुपंथ
विठ्ठलाच्या पायी वीट झाली भाग्यवंत


गायक - प्रल्हाद शिंदे
-------------------

                          (संदर्भ-हिंदी भजन लैरिकस.को.इन)
                         ---------------------------------


-----संकलन
-----श्री.अतुल एस.परब(अतुल कवीराजे)
-----दिनांक-01.06.2022-बुधवार.