मला आवडलेल्या चारोळ्या-चारोळी क्रमांक-१०

[Atul Kaviraje]

                                     मला आवडलेल्या चारोळ्या
                                        चारोळी क्रमांक-१० 
                                    ------------------------

मित्र/मैत्रिणींनो,

     --कथित  नवचारोळीकारास , जीवनाचे  सारं  सर्वथा  समजल्याचे   या  प्रस्तुत  चारोळीतून  बोधीत  होत  आहे . तो  म्हणतोय , माणूस  हा  सवयींचा  गुलाम  असतो . त्या  हळू  हळू  लागतात , जडतात , त्यांचा  तना -मनात  अंतर्भाव  होतो . आणि  त्यातून  शेवटपर्यंत  सुटका  ही  नसते . प्रत्यक्ष  परिस्थिती  ही  या  सवयींस  जबाबदार  असते , असे  मला  वाटते . दुसऱ्यांचे  अनुकरण  करताही  यांचा  आपोआप  अंगीकार  होतो  असेही  म्हणण्यास  हरकत  नाही . परंतु  सवयी  या  नेहमीच  चांगल्या  असाव्यात . वाईट  सवयींचा  कधीही  स्वीकार  करू  नये . कारण  जश्या  चांगल्या  सवयी , ह्या  शेवटपर्यंत  आपली  पाठ  सोडत  नाहीत , तद्वतच , वाईट  सवयीही  अंतापर्यंत  टिकून  राहतात , म्हणून  त्याकडे  चक्क  पाठ  केलेली बरी . इंग्रजीत  म्हण  आहे  ना  " BAD HABITS DIE HARD !" तर  अश्या  या  सवयी  हळू  हळू  अंगवळणी  पडतात , व  अगदी  शेवटपर्यंत  आपल्याला  साथ  देतात .

     परंतु  या  सवयींनी  आपल्याला  पूर्णपणे  जखडलेले  असताही , त्यांनी आपल्याला   पूर्ण  काबीज  केले  असले  तरीही , आपल्या  मनाचा , शरीराचा  कब्जा  घेतला  असला  तरीही , तो  नजरेतला  टप्पा , काही  विशिष्ट  उद्देश्य  मनी  ठेवून , एक  लक्ष्य  नजरेत ठेवता,  ते   शेवट -पर्यंत  सोडायचे  नसते . अर्ध्यावरूनच  डाव  सोडायचा  नसतो . अंतिम  वळण  येईपर्यंत  त्या  लक्ष्याचा  पाठ -पुरावा  नेटाने , हिकमतीने , प्रयत्नाने  करायचा  असतो . या  कार्यात , कधी  कधी  एकटेपणा  नशिबास  येतो . आपल्या  जवळचेही  सोडून  गेलेले  असतात . सोबत  कुणाचीही  नसते . पण  जिद्द  सोडायची  नसते . कुणी  नाही  पण   आपली  सावली  आहे  ना  सोबतीस , हे  एकचं  मनी  धरून  आयुष्याची  वाटचाल  करायची  असते . आपली  स्वतःची  सावलीच  आपल्याला  धीर  देत  असते , लक्ष्य  प्राप्त  होण्यासाठी  पुढे  नेत  असते . सर्व  सवयींचा  गुलाम  होऊनही , माणूस  हे  आपले  अंतिम  ध्येय  , लक्ष्यही  अगदी  एकटेपणाने  पार  करीत  असतो . हाच  तर  खरा  पुरुषार्थ  असतो .

=======================
सवयींचे काय , त्या कशाही जडतात,
हळु हळु अंगवळणीही पडतात,
म्हणुन का लक्ष्य सोडायचे असते?
एकटेपणा टाकुन , सावलीसह पुढे जायचे असते
=======================

--नव-चारोळीकार
-----------------

                       (साभार आणि सौजन्य-संदर्भ-महाराष्ट्रीयन.इन)
                      -----------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-01.06.2022-बुधवार.