मला आवडलेल्या चारोळ्या-चारोळी क्रमांक-११

[Atul Kaviraje]

                                   मला आवडलेल्या चारोळ्या
                                       चारोळी क्रमांक-११ 
                                 -------------------------

मित्र/मैत्रिणींनो,

     --हा  नवं -चारोळीकार  चक्क  प्रेमात  पडलेला  दिसतोय . अन  अनुभवही  दांडगाच  आलेला  दिसतोय . त्याचा हा   प्रेमी -नायक , आपल्या  प्रेमिका -नायिकेस , असं  म्हणतोय , प्रिये , तुझ्या  प्रेमात  मी  इतका  बुडालोय , इतका  अंतर्भूत  झालोय , की  मला  दिवस -रात्र  नजरेसमोर  फक्त  तू  आणि  तूच  दिसतेस . मला  असं  वाटतंय , की  तुझीही  अवस्था  काही  वेगळी  नाहीय . मला  भेटण्यास  तुझा तो  केलेला  बहाणा  मला  महिताहे . माझ्याशी  बोलण्यास  केलेले  तुझे  ते  प्रयत्न  मला  महिताहेत . खरं  म्हणजे  तू  भेटताच  मला  तुझ्याशी  खूप  काही  बोलायचं  असतं , मनातले  सर्व  काही  सांगायचं  असतं .पण  तू  का  ऐकून  घेणार  ? आल्यापासून  तुझेच  बोलणे  सुरु  असते . तुझीच  पोपट -पंची  सुरु  असते . अगदी  न  थकता . तेव्हा  असं  जाणवत  की  माझ्याच  मनातले  तू  बोलत  आहेस . आणि  ऐकून  घेण्याशिवाय  माझ्याकडे  दुजा  पर्यायच  नसतो . मला  अगदी  चूप  करतेस  तू , बोलूच  देत  नाहीस . तुझीच  टकळी  सुरु  असते .

     तुझी  मला  इतकी  सवय  आता  जडली  आहे , तुझ्या  बोलण्याची  इतकी  सवय  झाली  आहे , की   तू  नसतानाही  मला  सदैव  तुझाच  भास  होतोय . तू  सतत  जवळ  आहेस , असंच  मला  वाटतंय . तू  आता  समोर  नाहीस , परंतु  तुझे  अस्तीत्व  सतत  जाणवतंय . अगदी  उठता -बसता , चालता -पळता , अगदी  झोपेतही . तुझ्या  आठवणीत  हळू  हळू  डोळे  मिटू  लागतात . निद्रादेवीच्या  कुशीत  जाता  जाताही  मला  तुझीच  स्वप्ने  पडतात . आणि  मग  खाडकन  डोळे  उघडतात . वाटत  तू  आली  आहेस , तू  इथेच  आहेस , तू  जवळच  आहेस . आणि  मग  डोळ्यांवरली  झोप  पूर्ण  उडून  गेलेली  असते . मला  आता  असा  प्रश्न  पडू  लागलाय  की  माझ्या  मनाचा  तू  पूर्णपणे  कब्जा  केला  आहेस  की  काय  ? इतका  मी  तुला  वश  झालोय . काहीही  असो , ही  सुखद  अनुभूती  अशीच  राहू  दे .

============
तू समोर असतेस,
तेव्हा बोलू देत नाहीस..
तू समोर नसतेस,
तेव्हा झोपू देत नाहीस...
============

--नव-चारोळीकार
-----------------

                        (साभार आणि सौजन्य-मराठी नेतृत्व .कॉम)
                       --------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-02.06.2022-गुरुवार.