मला आवडलेल्या चारोळ्या-चारोळी क्रमांक-12

[Atul Kaviraje]

                                    मला आवडलेल्या चारोळ्या
                                       चारोळी क्रमांक-12
                                  -------------------------

मित्र/मैत्रिणींनो,

     --तर , मित्रानो  ही  आहे  आईची  महती . तिची  महानता , तिची  ममता , तिचे  प्रेम . नवं -चारोळीकाराने  अतिशय  पोट -तिडीकीने  ही  चारोळी  रचली  आहे . त्याला  समाजाचा , लोकांचा , आप्त -स्वकीयांचा  अगदी  बरा -वाईट  अनुभव  आलेला  या  चारोळीतून  दिसतोय . लोक , नातलग , गणगोत  हे  फक्त  कामापुरते , जरूरीपुरते  जवळ  असतात . आपला  स्वार्थ  साधून  झाला , की  ते  दूर  होतात . परंतु  मित्रानो , आईची  माया  ही  सदैव  निस्वार्थ  अशीच  असते . त्यात  इतर  कोणताही  स्वार्थ  नसतो . म्हणूनच  हा  चारोळीकार  म्हणतोय , की  आई  तू  माझ्यापासून  दूर  राहू  नकोस , तू  मला  हवी  आहेस , तू  सतत  माझ्या  जवळ  राहा , मला  सोबत  कर . आई  तू  जवळ  असलीस , की  मला  जगाशी  लढण्याचे  बळ  प्राप्त  होत , सामर्थ्य  येतं , मी  निडर  होतो . विषाचेही  अमृत  करण्याची  एक  दैवी  कला  तुला  सहज  प्राप्त  आहे . आई , तेच  अमृत  तू  मला  पाज . हे   कंटक -रुपी , गरळ -रुपी  जीवन  तारण्यास  तू  मला  सतत  सोबत  कर , तुझ्या  मायेची  पाखर  माझ्यावर  पखरं . मला  तुझे  ममता -रुपी  अमृत  पाज .

     पुढे  जाऊन  हा  चारोळीकार  म्हणतो , की  माझ्या  आईला  मी  लहानपणापासून  घर -संसार  उभे  करताना  पाहिलं  आहे , घरासाठी चटके  खाताना , कोणत्याही  कठीण  परिस्थितीस  धीराने  तोंड  देताना  पहिले  आहे , आणि  म्हणूनच  माझ्या  मनात  आईची  ती  प्रतिमा  सखोल  रुजली  आहे . मी  देवाला  नाही  पहिले , पण आईला  मी  दररोज  पाहतो , व  तिचे  चरण -दर्शन  घेतो , तिचे  अमृतासमान  चरणा -मृत  रोज  प्राशन  करतो . आई  तू  मला  सतत  जवळ  राहा . माझ्यासोबत  राहा . मला  अंतर  देऊ  नकोस . तू  नसशील  तर  माझे  हे  जीवन,  जीवन  राहणार  नाही . तुझ्यामुळेच  तर  मला  मी -पण  प्राप्त  झालंय . तुझ्यामुळेच  तर  माझं  हे  अस्तीत्व  आहे . तू  जवळ  असलीस  तर  ही  उन्हाची  चटके  देणारी  काहिली  मी  सहज  सहन  करू  शकेन , पण  आई  जर  तू  नसलीस , तर  ही  गाढ  सावली  देखील  मला  प्रदीप्त  चटके  देऊन  जाईल , होरपळून  टाकेल . म्हणूनच  तुझी  ममतेची  सावली  सदैव  माझ्यावर  ठेव . आई  तू  मला  हवी  आहेस . 

============
आई असेल सोबतीला तर
विष सुद्धा अमृत होईल,
आई नसेल सोबतीला तर
सावली सुद्धा चटके देईल.
============

--नव-चारोळीकार
----------------

                        (साभार आणि सौजन्य-मराठी नेतृत्व .कॉम)
                       --------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-03.06.2022-शुक्रवार.