मला आवडलेल्या चारोळ्या-चारोळी क्रमांक-13

[Atul Kaviraje]

                                    मला आवडलेल्या चारोळ्या
                                       चारोळी क्रमांक-13
                                  -------------------------

मित्र/मैत्रिणींनो,

     --नवं -चारोळीकार  हा  जीवनात  अत्यंत  कठीण , दुर्धर , बिकट  स्थितीतून  गुजरला  असावा , तेव्हाच  तर  त्याचा  लेखणीतून  ही  शोकांतिकेची  चारोळी  लिहिली  गेली  असावी . आयुष्य  व्यतीत  करीत  असता , तो  सुखाचा  शोध  घेत  होता , या  व्यक्तव्यावरून  तुम्हाला  कळलं  असेलच  की , अनंत  दुःखांना  त्याला  सामोरे  जावे  लागले  होते , सुखाचे  मृगजळ  हे  तर  फारच  लांब  होते , पण  आयुष्याच्या  शेवटच्या  वळणावर , टप्प्यावर  त्याला  सुखाचा  एवढासाही  कवडसा  नजरेस  पडला  नाही . दुसऱ्यांसाठी  आपले  आयुष्य  वेचता , व्यतीत  करता , त्याला  स्वतःसाठी  वेळ  देण्यास  कधी  जमलेच  नाही . इतका  तो  परोपकारात  बुडाला  होता . आयुष्य  सरत  आले  होते  पण , त्याचा  मी -पणा , स्व -पणा , अस्तित्त्व  केव्हाच हरपून  गेले  होते . त्याचे  जीवन  त्याचे  नव्हतेच , तो  कधी  स्वतःचा  असा  झालाच  नव्हता .तो स्वतःसाठी कधी जगलाच  नव्हता.

     आणि  सुरुवातीला  म्हटल्याप्रमाणे , या  चारोळीकारास  जीवन  जगता  जगता , फक्त  दुःखेच  पदरात  आली , दुःखाचे  डोंगर  त्याने  उपसले , पण  सुखाचा  फक्त  एक  बारकासा  धुलीकणही  त्याच्या  नजरेस  आला  नाही , गवसला  नाही . ते  त्याला  लांबूनच  वाकुल्या  दाखवीत  राहिले , जवळपासही  फिरकले  नाही . शेवटी  हा  चारोळीकार  अत्यंत  उद्विग्नतेने  म्हणतोय  की , हे  अफाट , अनंत  , न  संपणारे  दुःख  मी  जीवनाच्या  शेवट -पर्यंत , अंतिम  टप्प्यापर्यंत  फक्त  सुखाचीच  वाट  पाहत  भोगले , पण  कधीही  सुखाचा  भागीदार , साथीदार  झालोच  नाही . दुःखानेच  मला  आतापर्यंत  साथ  दिली  आहे , आणि  पुढेही  ते  देत  राहणारच  आहे . आयुष्यात  सुख  नाहीच  आहे , फक्त  दुःखच  आहे . (सुख  फक्त  मानण्यावरच  आहे .)

=================
सरता  सरता  आयुष्य  माझं
मी  कधी  माझा  झालोच  नाही
दुःख  सोसले  अफाट  मी , पण ,
सुखाचा साथी कधी  झालोच  नाही .
=================

--नव-चारोळीकार
-----------------

                      (साभार आणि सौजन्य-संदर्भ-मराठी जर्नल.इन)
                     ------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-04.06.2022-शनिवार.