मला आवडलेल्या चारोळ्या-चारोळी क्रमांक-15

[Atul Kaviraje]

                                     मला आवडलेल्या चारोळ्या
                                        चारोळी क्रमांक-15
                                   -------------------------

मित्र/मैत्रिणींनो,

     --प्रस्तुत  चारोळीतून  असं  समजतं , की या  नवं -चारोळीकाराचं  अन  चहाचं  एक  अतूट , जवळचं  असं  वेगळंच  चवदार ,चटकदार  नातं  आहे . समज  आल्यापासून  त्याचे  जेव्हा  चहाचा  पहिला  घोट  घेतला , तेव्हा  त्याला  ती  चव  इतकी  आवडली , ते  स्वर्गीय  अमृत -तुल्य  पेय  त्याच्या  इतकं   ठायी  बसलं , की  अजूनही  त्याला  ती  चहाची  पहिली  चव , चहाचा  पहिला  घोट  आठवतो . थकल्या -भागल्या  जीवाला  यापेक्षा   अजून  कुठून  एनर्जी-ड्रिंक  मिळणार ? गरमा -गरम , वाफाळलेला , खुमासदार , मसालेदार,  चटकदार  चहा  घोटा -घोटाने  जेव्हा  जिभेवरून  आत  शिरतो , तेव्हाचा  अनुभव  काय  वर्णावा ? अंगात  उत्साह , उमेद , उमंग , तरतरी  आणणारे  असे  हे  पेय , याची  उपमा  आणि  कशास  यावी   बरे  ?

     ही  चहाची  लज्जत , गोडी  ही  कुठल्याही  पेयास  नाही  असं  म्हणता , चारोळीकार  ठासून  सांगत  आहे , की  या  चहाचं  अन  माझं  तेव्हापासून  असं  एक  वेगळंच  नातं  निर्माण  झालं  आहे , की  जे  आतापर्यंत  टिकून  राहिलंय . आम्हा  दोघांना  वेगळं  करणारा , आमची  ताटातूट  करणारा  अजूनही  जन्माला  यायचं  बरं  ! कितीतरी  मित्र  आले , कितीतरी  नाती  जोडली , पुढे  ती  दूरही  झाली , वेगळीही  झाली , पण  माझं  आणि  चहाचं  हे  घट्ट  नातं  अजूनही  शाबूत  आहे , टिकून  आहे . आता  मला  कशाचीही  आस  नाही . मला  कुणी  भेटो  वा  न  भेटो , मला  काहीही  फरक  पडत  नाही , किंबहुना  माझं  त्यामुळे  काहीही  बिघडत  नाही . परंतु , दर -रोज  सकाळ -संध्याकाळ  चहाचा  एक  गरमा -गरम  भरलेला , वाफाळलेला  कप  मला  तरोताजा  करण्यास  नेहमीच  मदत  करीत  असतो . तोच  माझा  खरा  मित्र , सोबती , साथीदार , जोडीदार  आहे  असंही  म्हणायला  हरकत  नाही . तर  हा  पृथ्वीवरील  चहा , हा  स्वर्गातील  देवादिकांनाही  अमृतापेक्षाही  दुर्लभ   आहे  असं  म्हणतात . आणि  या  पृथ्वीवर  राहून  मी  त्याचे  सुरस-पान  करतो , याचा  मला  अभिमान  आहे . हे  नातं  असंच  टिको , अन  अधिकाधिक  घट्ट  होवो , हीच  मनापासून  प्रार्थना .

====================
चहाचं अन् आपलं एक वेगळंच नातं असतं
कोण भेटलं नाही तरी चालेल
पण तो अन् आपण रोज
सकाळ संध्याकाळ भेटत राहतो.
====================

--नव-चारोळीकार
----------------

                   (साभार आणि सौजन्य-संदर्भ स्टेटस.एंटरप्रुनरशीप.कॉम)
                  -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-06.06.2022-सोमवार.