मला आवडलेल्या चारोळ्या-चारोळी क्रमांक-18

[Atul Kaviraje]

                                    मला आवडलेल्या चारोळ्या
                                       चारोळी क्रमांक-18
                                  -------------------------

मित्र/मैत्रिणींनो,

     --कदाचित  या  नवं -चारोळीकाराची  आणि  त्याच्या  प्रेयसीची  भेट  ही पावसातच  झाली  असावी . त्यांच्या  प्रेमाची  रुजुवात  भर  पावसात , ओल्या -चिंब  स्थितीत  झाली  असावी , त्यांचे  प्रेम  वर्षा  ऋतूतच  फुलले  असावे , अंकुरले  असावे , असे  या  प्रस्तुत  चारोळीतून  सहज  उमगते . आणि  मग  साऱ्याच  पावसाळ्यात , वर्षा  ऋतूत , तो  पाऊस  आला  की  मग  ती  आठवण  प्रकर्षाने  होते . आणि  ते  चिंब  भिजलेले  ओले  दिवस  त्याला  आठवू  लागतात . आणि  पुढील  पावसाची  पुन्हा  एकदा  तो  नव्याने  वाट  पाहू  लागतो . तिचे  ते  पावसात  भिजणे , वाऱ्याच्या  फटकाऱ्याने  अंग  शहारणे , अवचित  त्याला  बिलगणे , त्याला  आवडू  लागलेलं  असत . अहो , पण  हे  सत्य  आहे  की  आभास , झोपेतून    खाडकन  तो  जागा  होतो . आणि  आपण  इतका  वेळ  पाहिलेलं  हे  स्वप्न  होत  हे  त्याला  प्रतीत  होत . वास्तविक, वास्तवात  त्याच्या  प्रेमिकेस  पाऊस  जरी  आवडत  असला , तरी  प्रत्यक्ष  भिजण्यास  मात्र  ती  तयार  नसते , उलट  त्याला  पावसात  लहान  मुलाप्रमाणे  भिजायला , हुंदडायला , बागडायला  खूप  आवडत . आपल्याला  स्वप्नात  दिसल्याप्रमाणे , ती  परिस्थिती  साक्षात  अवतरावी , असे  त्याला  खूप  वाटते , तिच्यासोबत  त्याला  भिजायचं  असत , तो  पाऊस  अंगावर  घ्यायचा  असतो . तिला  त्या  निमित्ते  जवळून  पाहायचं  असत .

     पण , दुसऱ्याच  क्षणी  एक  आशंका , मनात  दडलेली  भीती , डोकं  वर  काढते , उफाळून  येते , की  आपण  आपल्या  प्रेमिकेवर  भिजण्यास  सक्ती  तर  करीत  नाही  ना , माझे  मन  राखण्यासाठी , जर  का  ती  पावसात  भिजली , आणि  न  जाणो , हा  पाऊस  तिला  सहन  झाला  नाही . आजारी  पडली , ज्वर  आला , सर्दी -पडसे  झाले  तर  ? त्यापेक्षा  नको , आपण  तिला  अस सांगायलाच  नको, विचारायला नकोच  . एक  तर  तिला  पावसात  भिजायला  आवडत  नाही , आणि  जर  माझी  मर्जी , मन  राखण्यासाठी  पावसात  भिजून  जर  तिला  काही  झालं  तर  ? मग  नकोच , अस  त्याच भयभीत, घाबरलेलं, आशंकित  मन  त्याला  वारंवार  बजावतं , एक  शंका  उत्पन्न  करतं . आणि  म्हणूनच  तो  आपलाही  पावसात  भिजण्याचा  मोह  टाळतो , मनाचा आग्रह  टाळतो . आपल्या  मनास  काबूत  ठेवतो . मनास  समजावतो . तिची  त्याला  आयुष्यभर  सोबत  हवी  आहे . पाऊस  काय  तर  दर -वर्षी   पडतो . तिचे  मन  करील  तेव्हा , तिला  पावसात  भिजू  दे . आपल्या  मनाची  तयारी  करीत , तो  त्या  दिवसाची  वाट  पाहतो . त्या  पावसाची पुन्हा  नव्याने  प्रतीक्षा  करतो .

=======================
ह्या  पडणाऱ्या  पावसात
तुझ्या सोबत  भिजू  वाटतं....
पण  तू  आजारी  पडशील  म्हणूनच
तुझ्या  सोबत  भिजायला  माझं  मन  घाबरत....
=======================

--नव-चारोळीकार
-----------------

                       (साभार आणि सौजन्य-संदर्भ-इन मराठी.इन)
                      ----------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-09.06.2022-गुरुवार.