एक किनारा

[शिवाजी सांगळे]

एक किनारा

एक किनारा मनाच्या अंतरात
काहीसा निवांत थोडासा शांत

विरघळणाऱ्या या पाऊलखुणा
मुरतात निशब्दपणे आत आत

झाकोळून जातो पुन्हा एक सुर्य
नभ विसावले जणू समुद्र गर्भात

अथांग मी की खोल तो कळेना
दिसतो जरी वरवर दोघेही शांत

नसतो एकटा मी न् तोही कधी
साथ देण्या असतो कुणी अज्ञात

साथसंगत वाऱ्याची भोवताली
तरीही उरतो एकाकी मी निवांत

©शिवाजी सांगळे 🦋papillon
संपर्क: +९१ ९५४५९७६५८९