II भक्ती-गीत II-विठ्ठल भक्ती-गीत-माऊली माऊली, माऊली माऊली

[Atul Kaviraje]

                                          II भक्ती-गीत II
                                         ----------------

मित्र/मैत्रिणींनो,

     आज बुधवार. आज ऐकुया एक विठ्ठल भक्ती-गीत. या गीतIचे  बोल आहेत- "माऊली माऊली, माऊली माऊली"


                                    विठ्ठल भक्ती-गीत
                           "माऊली माऊली, माऊली माऊली"
                          --------------------------------


विठ्ठल विठ्ठल, विठ्ठल विठ्ठल
विठ्ठल विठ्ठल, विठ्ठल विठ्ठल

तुला साद आली तुझ्या लेकरांची
अलंकापुरी आज भारावली
वसा वारीचा घेतला पावलांनी
आम्हा वाळवंटी तुझी सावली
गळाभेट घेण्या भिमेची निघाली
तुझ्या नामघोषात इंद्रायणी

विठ्ठल विठ्ठल, विठ्ठल विठ्ठल
विठ्ठल विठ्ठल, विठ्ठल विठ्ठल

भिडे आसमंती ध्वजा वैष्णवांची
उभी पंढरी आज नादावली
तुझे नाव ओठी, तुझे रूप ध्यानी
जिवाला तुझी आस गा लागली
जरी बाप साऱ्या जगाचा परि तू
आम्हा लेकरांची विठू माऊली

माऊली माऊली, माऊली माऊली
माऊली माऊली, रूप तुझे

विठ्ठल विठ्ठल, विठ्ठल विठ्ठल
विठ्ठल विठ्ठल, विठ्ठल विठ्ठल

चालतो रे तुझी वाट रात्रंदिनी
घेतला पावलांनी वसा
टाळ घोषातुनी साद येते तुझी
दावते वैष्णवांना दिशा

दाटला मेघ तू सावळा,
मस्तकी चंदनाचा टिळा
लेऊनि तुळशी माळा गळा ह्या,
पाहसी वाट त्या राऊळा
आज हारपलं देहभान,
जीव झाला खुळा बावळा
पाहण्या गा तुझ्या लोचनांत
भाबड्या लेकरांचा लळा

भिडे आसमंती ध्वजा वैष्णवांची
उभी पंढरी आज नादावली
तुझे नाव ओठी, तुझे रूप ध्यानी
जिवाला तुझी आस गा लागली
जरी बाप साऱ्या जगाचा परि तू
आम्हा लेकरांची विठू माऊली

माऊली माऊली, माऊली माऊली
माऊली माऊली, रूप तुझे

विठ्ठल विठ्ठल, विठ्ठल विठ्ठल
विठ्ठल विठ्ठल, विठ्ठल विठ्ठल

चालला गजर जाहलो अधिर लागली नजर कळसाला
पंचप्राण हे तल्लीन आता पाहीन पांडुरंगाला
देखिला कळस डोईला तुळस धावितो चंद्रभागेसी
समिप ही दिसे पंढरी याच मंदिरी माऊली माझी
मुख दर्शन व्हावे आता तू सकल जगाचा त्राता
घे कुशीत गा माऊली तुझ्या पायरी ठेवतो माथा

माऊली माऊली, माऊली माऊली
माऊली माऊली, माऊली माऊली

पुंडलिक वरदे हारि विठ्ठल
श्री ज्ञानदेव तुकाराम
पंढरीनाथ महाराज की जय

===================
गीत : माउली  माउली  (विठ्ठल)
चित्रपट : लय  भारी 
गायक : अजय  गोगावले आणि कोरस   
गीतकार : गुरु  ठाकूर
===================


                          (साभार आणि सौजन्य-विट्ठलाचे अभंग)
                           (संदर्भ-हिंदी भजन लैरिकस.को.इन)
                        ------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-15.06.2022-बुधवार.