चारोळी पावसाची-क्रमांक-3-पाऊस व मी

[Atul Kaviraje]

                                         चारोळी पावसाची
                                             क्रमांक-3
                                        -----------------

मित्र/मैत्रिणींनो,

     --खरं  सांगायचं , तर  मित्रानो , अतिशय  खडतर , कठीण  जीवन  मी  आजवर  जगत  आलोय . कठोर  परिश्रम , सतत  कार्य  करून  मी  समाजात  माझी  एक  प्रतिष्ठा  निर्माण  केली  आहे . आणि  म्हणूनच  माझा  स्वभाव  असा  कठोर , वज्रासम  कठीण , पाषाण -हृदयी  असा  झाला  असावा . समाजाकडून  मी  बरंच  काही  शिकलोय . चांगले -वाईट  खूप  अनुभव  मला  आजवर  आले  आहेत . असा  माझा  कडक  स्वभाव  होण्यास  बहुतेक , परिस्थितीच  कारणीभूत  असावी . असो , तर  हे  सांगायचं  एक  वेगळं  कारण  आहे .

     खरं  म्हणजे  वर्षभर  कामाला  वाहून  घेणारा  मी . एकही  दिवस  न  चुकता  दररोज  काम  झालंच  पाहिजे , असे  व्रत  अंगी  बाळगलेला  मी . मला  खरं  म्हणजे  यापासून  कोणीही  परावृत्त  करू  शकत  नाही , रोखू  शकत  नाही , असा  माझा  दावा  हा  शेवटी  खोटा  ठरवला  तो  या  पावसाने . आज  पाऊस  सुरु  झालाय , सरींवर  सरी  कोसळू  लागल्यात . आणि  पाहता  पाहता , माझ्यातला  एक  नवीन  माणूस  जागा  होऊ  पहात  आहे . माझा  स्वभाव  कुणीतरी  बदलू  पाहात  आहे . माझ्या  स्वभावात  बदल  घडत  आहे . एका  कठोर , पाषाण -हृदयी , माणसाचा  सारा  चेहरा -मोहरा  या  पावसाने  बदलून  टाकला  आहे . माझ्यातला  माणूस  जागा  केला  आहे .

    वर्षभरातले  ८  महिने  दणकून  काम  करणारा,कर्तव्य-कठोर  मी , पावसाच्या  पुढील  ४  महिन्यात , अगदी  नरम -दिल  , लोण्यासारखा  मऊ , प्रेमळ  अश्या  हृदयाचा , मनाचा  झालो  आहे . आणि  ही  सारी  किमया  या  पावसानेच  घडवून  आणली  आहे . अशी  ही  किमया , जादू  फक्त  पावसाच्या  धारांनी , सरींनी  केली  आहे . एका  कठोर  मनुष्याचे  प्रेमळ , नरम -दिल  माणसात  रूपांतर  या  पावसाने  केले  आहे . या  ४  मासांत  माझ्यात  पूर्णपणे  बदल  घडविण्याचे  श्रेय  फक्त  या  पावसालाच  जातं . या  पावसाचे  मी  मनापासून  धन्यवाद  मानतो , की  त्याने  माझ्यातल्या  एका  वेगळ्या  माणसाची  ओळख  जगाला  करून  दिली  आहे .


             पाऊस व मी
            ------------

खडतर  व्रती , कठोर  परिश्रमी
वज्र -दिल , पाषाण -हृदयी  असा  मी
अष्ट -मासी  (8 महिने ),अष्टौ -प्रहरी  कार्य -विहित  असामी
परी  चातुर्मासी  (4 महिने )पर्जन्य  शिडकावा  मिळता ,
नवं -नित -हि  होतोय  कधी  कधी  मी .
=============================


-----श्री.अतुल एस.परब(अतुल कवीराजे)
-----दिनांक-15.06.2022-बुधवार.