गोष्ट फुलांची

[शिवाजी सांगळे]

गोष्ट फुलांची

अस्तित्वाने तुझ्या आठवते मला गोष्ट फुलांची
दरवळत्या मोगऱ्याने पुन्हा चढते नशा फुलांची

फुल होता होता सावकाश मग कळी कळीचे   
जाते फुलून एकएक फांदी अचानक फुलांची

गर्भ रेशमी रात्री गुंफता ओलावा तुज मिठीचा
सजते आरास तारकांसम भोवताली फुलांची

माळती गजरे अन् चढविती हार कधी फुलांचे
नतमस्तक होता वाहतात ओंजळ ती फुलांची

सुखदुःखाची भले असो कहाणी कशी कुठेही
पुर्णत्वा जाण्यास पडतेच गरज खरी फुलांची

©शिवाजी सांगळे 🦋papillon
संपर्क: +९१ ९५४५९७६५८९